འོས་བསྡུའི་འགན་འཛིན་ལས་འཕར་གཉིས་ནས་དམ་འབུལ་ཞུས།


2013-12-25
Share
འོས་བསྡུའི་འགན་འཛིན་ལས་འཕར་གཉིས་ནས་དམ་འབུལ་ཞུས།
དབུས་བོད་མིའི་སྒྲིག་འཛུགས།

༄༅། །ཁ་སང་ཕྱི་ཚེས་༢༤ཉིན་བཞུགས་སྒར་དྷ་རམ་ས་ལར་རྟེན་གཞི་བྱེད་པའི་དབུས་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་ཚོམས་ཆེན་ནང་།    འོས་བསྡུའི་འགན་འཛིན་ལས་འཕར་བཙུན་དགོན་སྒྲོལ་མ་གླིང་གི་སློབ་སྤྱི་དགེ་བཤེས་རིག་འཛིན་ཆོས་གྲགས་ལགས་དང་།    ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་ཉམས་ཞིབ་པ་གཡང་མཁོ་རྒྱལ་ལགས་རྣམ་གཉིས་ཀྱིས་ལས་ཁུར་དམ་འབུལ་ཞུས་སོང་།    འོས་བསྡུའི་འགན་འཛིན་ལས་འཕར་གཉིས་ནས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བའི་དྲུང་ནས་ལས་ཁུར་དམ་འབུལ་ཞུས་པ་དེ་ཐོག་མ་དེ་ཆགས་ཡོད་པ་རེད།
ད་རེས་འོས་བསྡུའི་འགན་འཛིན་ལས་འཕར་གཉིས་གསར་དུ་བསྐོ་གཞག་གནང་བ་དེ་ཉེ་སྔོན་མདོ་སྨད་སྤྱི་འཐུས་ཀིརྟི་སྒྲོལ་དཀར་ལྷ་མོ་ལགས་རྩ་དགོངས་ཞུས་ཡོད་པ་དང་།    སྒུག་ཐོའི་ནང་བརྒྱ་ཆ་ལོན་པའི་འཐུས་མི་མེད་པར་བརྟེན།    ད་རེས་བར་མའི་འོས་བསྡུའི་བརྒྱུད་ཁོང་གི་ཚབ་གསར་བསྐོ་གཞག་གནང་དགོས་པ་ཞིག་ཆགས་ཡོད་པ་རེད།།
གསར་འགོད་པ་བློ་བཟང་ཤེས་རབ།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།