བཙན་བྱོལ་བོད་མིའི་དམིགས་བསལ་ཚོགས་ཆེན་ཐོག་བསམ་ཚུལ།

བོད་ལ་མིང་དོན་མཚུངས་པའི་རང་སྲིད་རང་སྐྱོང་གི་ཆབ་སྲིད་གནས་བབ་ཅིག་འཐོབ་ཐབས་གནང་བཞིན་པའི་སྲིད་བྱུས་དེ་དོར་དགོས་དང་དགོས་མིན།

2008.11.18

༄༅༎བཙན་བྱོལ་ནང་གི་བོད་མི་ཚོས་རྒྱ་ནག་གི་བཙན་བཟུང་འོག་ནས་བོད་ཀྱི་རང་དབང་རང་བཙན་སླར་གསོའི་སླད་དུ་འཐབ་བྱུས་གསར་པ་ཞིག་འཚོལ་ཐབས་གནང་ཕྱིར་བཞུགས་སྒར་རྡ་རམ་ས་ལར་བཙན་བྱོལ་ནང་གི་གནད་ཡོད་བོད་མི་ལྔ་བརྒྱ་བརྒལ་བ་འདུ་འཛོམས་གནང་ཡོད་ཅིང་ཁོང་རྣམ་ཚོས་བོད་ལ་རང་བཙན་གཙང་མ་དགོས་རྒྱུའི་ལངས་ཕྱོགས་ལ་འདོད་མོས་ཆེ་བ་བྱེད་རྒྱུའི་དོན་དུ་བོད་མིའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ད་བར་འཛིན་བཞིན་པའི་བོད་ལ་མིང་དོན་མཚུངས་པའི་རང་སྲིད་རང་སྐྱོང་གི་ཆབ་སྲིད་གནས་བབ་ཅིག་འཐོབ་ཐབས་གནང་བཞིན་པའི་སྲིད་བྱུས་དེ་དོར་དགོས་དང་དགོས་མིན་ཐད་བསམ་ཚུལ་བགྲོ་གླེང་ལྷུག་པོ་གནང་བཞིན་ཡིན་པ་རེད། བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་སྦི་ཚེ་རིང་ལགས་ཀྱིས་གསུང་དོན་ལྟར་ན་བདུན་ཕྲག་འདིའི་ནང་གི་བགྲོ་གླེང་གི་བརྒྱུད་ནས་བོད་མིའི་རང་དབང་འཐབ་རྩོད་ཀྱི་ལས་འགུལ་དེར་མཚན་ཉིད་དང་གནད་འགག་གསར་པ་ཞིག་ཆགས་ཀྱི་རེད་ཅེས་དང་མི་མང་ཚང་མས་ང་ཚོར་ལས་འགན་དང་ཡིད་ཆེས་ཧ་ཅང་ཆེན་པོ་སྤྲད་ཡོད་ཙང་ང་ཚོས་དུས་ཚོད་ཐུང་ཐུང་ཞིག་གི་ནང་ལག་ལེན་བཀེལ་ཐུབ་པའི་འཐབ་བྱུས་ཤིག་འཚོལ་ཐབས་བྱེད་ཀྱི་ཡོད།བུད་མེད་ལྷན་ཚོགས་ཀྱི་ངོས་ནས་༸གོང་ས་མཆོག་གི་བཞེངས་ཕྱོགས་དབུ་མའི་ཐབས་ལམ་ལ་རྒྱབ་སྐྱོར་ཡུན་རིང་ཞུས་ཡོད་ཅིང་༸གོང་ས་མཆོག་གི་ངོས་ནས་ཀྱང་དབུ་མའི་ལམ་གྱི་བཞེངས་ཕྱོགས་དེའི་བརྒྱུད་ནས་གྲུབ་འབྲས་ཐོན་པའི་ཆེད་དུ་ཐབས་ཤེས་གང་ཡོད་གནང་ཀྱང་དེ་ལ་ད་བར་གྲུབ་འབྲས་ཐོན་མེད་པ་སོང་ཙང་ད་ཆ་ང་ཚོའི་ངོས་ནས་འཐབ་བྱུས་གཞན་ཞིག་འཚོལ་དགོས་ཡག་གལ་ཆེན་པོ་མིན་ནམ་སྙམ་པའི་བསམ་བློ་གཏོང་རྒྱུའི་དུས་ཚོད་སླེབས་ཡོག་རེད་ཅེས་གསར་འགོད་པར་གསུང་ཡོད་པ་རེད། བདུན་ཕྲག་འདིའི་མཇུག་ཏུ་གལ་ཏེ་བོད་མི་ཕལ་མོ་ཆེ་ཡི་ངོས་ནས་དབུ་མའི་ལམ་གྱི་ཐོག་ལ་མུ་མཐུད་བསྐྱོར་རྒྱུར་བསམ་ཚུལ་གཅིག་བསྒྲགས་ཐོན་ཚེ་ང་ཚོས་དབུ་མའི་ཐབས་ལམ་དེ་བཞིན་ལམ་ལྷོངས་དང་གྲུབ་འབྲས་ཐོན་ངེས་ཅན་ཞིག་བཟོ་རྒྱུའི་ཐབས་ལམ་གཞན་པ་འཚོལ་དགོས་ཀྱི་རེད་ཅེས་ཀྱང་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་སྦི་ཚེ་རིང་ལགས་ཀྱིས་གསུངས་ཡོད་པ་རེད།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎