བོད་རྒྱའི་འབྲེལ་ལམ་གྱི་ནང་མོལ་དངོས་སུ་འགོ་བཙུགས་གནང་ཡོད་པ།

༄༅༎བོད་རྒྱའི་ཞི་མོལ་རེས་གཟའ་ཉི་མའི་སྔ་དྲོ་རྒྱ་ནག་ལྷོ་ཕྱོགས་ཀྱི་གྲོང་ཁྱེར་ཧྲེན་ཀྲན་ནང་ དངོས་སུ་འགོ་བཙུགས་གནང་ཡོད་ལུགས་བཙན་བྱོལ་བོད་གཞུང་གི་བཀའ་བློན་ཁྲི་པ་ཟམ་གདོང་ རིན་པོ་ཆེས་གསུངས་ཡོད་འདུག གྲོས་མོལ་ད་རིང་སྔ་དྲོ་འགོ་བཙུགས་གནང་ཡོད་རེད་ སྐུ་ཚབ་གཉིས་རེས་གཟའ་ལྷག་པའམ་མིག་དམར་གང་རུང་ལ་རྒྱ་ནག་ལ་ཕྱིར་ལོག་གནང་གི་རེད་ཅེས་ བཀའ་བློན་ཁྲི་པ་མཆོག་གིས་བཞུགས་སྒར་རྡ་རམ་ས་ལར་ཕཱ་རན་སིའི་གསར་འགོད་པར་གསུངས་ ཡོད་འདུག ཡང་བཀའ་ཁྲི་མཆོག་གིས་གྲོས་མོལ་གྱི་ནང་དོན་རྣམས་སྐུ་ཚབ་རྣམ་པ་གཉིས་ ཕྱིར་ཕེབས་གནང་བའི་རྗེས་སུ་མ་གཏོགས་ཤེས་ཀྱི་མ་རེད་ཅེས་གསུངས་གནང་འདུག བཙན་བྱོལ་བོད་གཞུང་གིས་ཐེངས་འདིའི་གྲོས་མོལ་གྱི་དམིགས་ཡུལ་གཙོ་བོ་ བར་ལམ་བོད་ནང་གདུག་རྩུབ་དྲག་གནོན་དང་དམ་བསྒྲགས་ཀྱི་དཀའ་ངལ་སེལ་ཐབས་གནང་རྒྱུ་ དེ་ཡིན་པས་ སྐབས་འདིར་དེ་ལས་བྲལ་བའི་དམིགས་ཡུལ་བཅངས་ཀྱི་མེད་ལུགས་མགྲིན་ཚབ་པ་ ཐུབ་བསྟན་བསམ་འཕེལ་ལགས་ཀྱིས་རེས་གཟའ་ཉི་མའི་ཉིན་གསུངས་གནང་འདུག