བལ་ཡུལ་ནང་བོད་མི་མང་ཤོས་གནས་སྡོད་བྱེད་ཡུལ་མཆོད་འཇོར་ས་གནས་འགོ་འཛིན་འཕོ་འགྱུར།

2022.07.01
Share on WhatsApp
Share on WhatsApp
བལ་ཡུལ་ནང་བོད་མི་མང་ཤོས་གནས་སྡོད་བྱེད་ཡུལ་མཆོད་འཇོར་ས་གནས་འགོ་འཛིན་འཕོ་འགྱུར། བལ་ཡུལ་ནང་བོད་མི་མང་ཤོས་གནས་སྡོད་བྱེད་ཡུལ་མཆོད་འཇོར་ས་གནས་འགོ་འཛིན་འཕོ་འགྱུར་སྐབས། ༠༦།༢༩།༢༠༢༢
tibet.net

ཕྱི་ཟླ་དྲུག་པའི་ཚེས་༢༩ཉིན་བལ་ཡུལ་ནང་བོད་མི་མང་ཤོས་གནས་སྡོད་བྱེད་ཡུལ་མཆོད་འཇོར་ས་གནས་འགོ་འཛིན་གསར་རྙིང་བར་གྱི་རྩིས་སྤྲོད་རྩིས་ལེན་འགྲུབ་པའི་རྗེས། ས་གནས་འགོ་འཛིན་གོང་མ་རྩིབས་རི་ལོ་པཎ་སྤྲུལ་སྐུ་ངག་དབང་མཆོག་གྲུབ་ལགས་ཀྱིས་འདས་པའི་ཉམས་མྱོང་དང་། སྤྱི་པའི་ལས་དོན་གནང་སྐབས་སྐུ་ངལ་ལ་གདོང་ལེན་གནང་ཕྱོགས་སོགས་ཀྱི་སྐོར་གཏམ་བཤད་གནང་བ་དང་། མི་མང་གིས་གསར་དུ་འོས་འདེམས་བྱས་བའི་ས་གནས་འགོ་འཛིན་ཕུར་བུ་བཀྲིས་ལགས་ཀྱིས་མ་འོངས་ཕྱག་ལས་གནང་འཆར་སོགས་ངོ་སྤྲོད་དང་འབྲེལ་བོད་མིའི་སྒྲིག་འཛུགས་ཀྱི་བཀའ་དགོངས་བཞིན་དགོས་མཁོ་ཅན་གྱི་མི་མང་ཉམས་ཐག་ཚོའི་རེ་བ་བསྐོང་ཐབས་གནང་རྒྱུའི་དམ་བཅའ་བརྟན་པོའི་ཐོག་ནས་ལས་དོན་དབུ་འཛུགས་གནང་རྒྱུ་ཡིན་སྐོར་གསུངས་འདུག
གསར་དུ་འོས་འདེམས་བྱུང་བའི་ས་གནས་འགོ་འཛིན་ཕུར་བུ་བཀྲིས་ལགས། བལ་ཡུལ་ནང་ཡུན་རིང་བོད་ཀྱི་སློབ་གྲྭ་དང་དགོན་སྡེ་སོགས་སུ་དགེ་རྒན་གྱི་གནང་མྱོང་མཁན་ཞིག་ཡིན་འདུག་ལ་ཉེ་ལམ་ཚེས་༡༨ཉིན་མི་མང་གིས་བལ་ཡུལ་མཆོད་འཇོར་ས་གནས་ཀྱི་སྐབས་༧པའི་ས་གནས་འགོ་འཛིན་གྱི་དངོས་གཞིའི་འོས་བསྡུའི་ཁྲོད་རྒྱལ་ཁ་ཐོབ་ཡོད་པ་རེད།
མཛད་སྒོའི་ཐོག་སྐུ་མགྲོན་གཙོ་བོར་བལ་ཡུལ་སྐུ་ཚབ་དོན་གཅོད་ལས་ཁང་གི་འབྲེལ་མཐུད་པ་སྐུ་ཞབས་ཚུལ་ཁྲིམས་རྒྱ་མཚོ་ལགས་དང་། དམིགས་བསལ་སྐུ་མགྲོན་དུ་བོད་མི་མང་སྤྱི་འཐུས་བཀྲིས་དོན་གྲུབ་ལགས་སོགས་བལ་ཡུལ་ནང་ཡོད་པའི་གནད་ཡོད་མི་སྣ་ཁག་ཅིག་ཕེབས་བཅར་གནང་ཡོད་པ་མ་ཟད། མཆོད་འཇོར་ས་འཐུས་ཚོགས་གཞོན་དང་། མཆོད་རྟེན་དང་འཇོར་པ་ཌི་ས་གནས་རང་བདེན་ཚོགས་གཙོ་རྣམ་གཉིས་དང་། ས་གནས་འགོ་འཛིན་ཟུར་པ་རྣམ་གསུམ། དེ་བཞིན་ས་གནས་མཐོ་སློབ་གཉིས་ཀྱི་དབུ་འཛིན་རྣམ་པ་གཉིས་དང་། དགོན་སྡེ་གྲ་ཚང་ཁག་གི་ལས་ཀྱི་སྣེ་མོ་བ་སོགས་བཅར་ཡོད་པ་བོད་མིའི་སྒྲིག་འཛུགས་ཀྱིས་གནས་ཚུལ་སྤེལ་འདུག

གསར་འགོད་པ། དབྱངས་སྒྲོན།
རྩོམ་སྒྲིག་པ། ཚེ་བརྟན་རྣམ་རྒྱལ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།

བལྟ་བཤེར་མང་ཤོས་བྱས་པའི་གནས་ཚུལ།
RFA
ཚུལ་ཁྲིམས་ལགས་རྐྱེན་ལམ་དུ་བཏང་བའི་གྱོད་གཞི་ཁྲིམས་མཐུན་རྟོག་ཞིབ་བྱེད་བཞིན་ཡོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
རིམས་ནད་ཁྱབ་གདལ་སྐབས་བོད་མི་ཚོས་༧གོང་ས་མཆོག་ལ་གསོལ་འདེབས་ཆེད་དྲ་ལམ་ཁག་ཏུ་སྐུ་པར་བརྒྱུད་སྤེལ་བྱེད་བཞིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎