དུས་ཚོད་ངེས་མེད་ཀྱི་ཟས་བཅད་ངོ་རྒོལ་མཚམས་འཇོག་གནང་བ།


2015-10-12
Share
རྒྱལ་ཚོགས་ཀྱི་མི་སྣས་ཟས་བཅད་ངོ་རྒོལ་ལས་འགུལ་བར་ཤིང་ཏོག་ཁུ་བ་སྤྲོད་བཞིན་པ། ༢༠༡༥།༡༠།༡༡ རྒྱལ་ཚོགས་ཀྱི་མི་སྣས་ཟས་བཅད་ངོ་རྒོལ་ལས་འགུལ་བར་ཤིང་ཏོག་གི་ཁུ་བ་སྤྲོད་བཞིན་པ། ༢༠༡༥།༡༠།༡༡
བསོད་ནམས་དབང་འདུས/RFA

རྒྱལ་ཚོགས་ཀྱིས་གཞོན་ནུའི་ཟས་བཅད་ངོ་རྒོལ་བ་ཚོས་བཏོན་པའི་དགོས་འདུན་ཁག་ལ་དགོངས་བཞེས་གནང་གི་ཡིན་གསུངས་འདུག
དེ་ཡང་བོད་ཀྱི་གཞོན་ནུ་ལྷན་ཚོགས་ཀྱིས་གོ་བསྒྲིགས་གནང་བའི་དུས་ཚོད་ངེས་མེད་ཀྱི་ཟས་བཅད་ངོ་རྒོལ་ལས་འགུལ་དེ་བཞིན་འདི་ལོའི་ཕྱི་ཟླ་༩པའི་ཚེས་༡༠ཉིན་འགོ་བཙུགས་ཏེ་ཉིན་གྲངས་༣༢་ཕྱིན་པའི་རྗེས་སུ། འདི་ཚེས་༡༡ཉིན་རྒྱ་གར་ནང་ཡོད་པའི་རྒྱལ་ཚོགས་ཀྱི་འཛུགས་བསྐྲུན་ལས་གཞིའི་སྐུ་ཚབ་Yuri Afanasievམཆོག་ངོ་རྒོལ་ལས་འགུལ་སྤེལ་སར་ཕེབས་ཏེ། ཁོང་གིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་རྟོག་ཞིབ་ལས་ཁང་གི་དྲུང་ཆེ་ལས་རོགས་སྐུ་ཞབས་Ivan Simonovicཡི་ལས་ཁུངས་ནས་གནང་བའི་ཕྱག་བྲིས་ཤིག་མཉམ་འཁྱེར་གནང་ཡོད་པའི་ནང༌། ཟས་བཅད་ངོ་རྒོལ་བ་ཚོས་བཏོན་པའི་དགོས་འདུན་ཁག་ལ་དགོངས་བཞེས་གནང་གི་ཡིན་ཞེས་འཁོད་ཡོད་པར་བརྟེན། དུས་ཚོད་ངེས་མེད་ཀྱི་ཟས་བཅད་ངོ་རྒོལ་དེ་བཞིན་འདི་ཚེས་༡༡ཉིན་མཚམས་འཇོགས་གནང་ཡོད་པ་དང༌། ད་ལམ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་རྟོག་ཞིབ་ལས་ཁང་ནས་ཕྱག་བྲིས་ཤིག་གནང་སོན་བྱུང་བ་དེ་ནི་རྒྱལ་ཁ་ཞིག་ཡིན་པ་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས་ཀྱིས་གསུངས་འདུག  

གསར་འགོད་པ་ངག་དབང་ཆོས་འཕེལ།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།