ཨ་རིའི་གསང་བའི་གནས་ཚུལ་ཕྱི་གྱར་ལ་དམ་བསྒྲགས་བཀའ་རྒྱ།

ཨ་མི་རི་ཀའི་གཞུང་གི་ལས་ཁུངས་ཁག་གིས་གཞུང་འབྲེལ་གསང་བའི་གནད་དོན་ཕྱིར་གྱར་མི་འབྱུང་བའི་ཆེད་དུ་བཀའ་རྒྱ་ནན་པོ་བཏང་བ།

2010-11-30
Share

༄༅༎ཨ་མི་རི་ཀའི་ནིའུ་ཡོག་དུས་བབ་སོགས་རྒྱལ་སྤྱིའི་གསར་ཤོག་ཁག་གིས་ལྦི་ཀི་ལིཀ་སི་WikiLeakཞེས་པའི་དྲ་རྒྱས་མཁོ་སྤྲོད་བྱས་པའི་ཨ་མི་རི་ཀའི་གཞུང་གི་གསང་བའི་གནད་དོན་མང་པོ་ཞིག་ཕྱི་བསྒྲགས་བྱས་པའི་རྗེས་སུ་ཨ་མི་རི་ཀའི་སྲིད་འཛིན་ལས་ཁང་གིས་ གཞུང་གི་ལས་ཁུངས་ཁག་གིས་གཞུང་འབྲེལ་གསང་བའི་གནད་དོན་ཕྱིར་གྱར་མི་འབྱུང་བའི་ཆེད་དུ་བཀའ་རྒྱ་ནན་པོ་བཏང་གནང་ཡོད་པ་རེད་

སུད་ཌེན་ནང་རྟེན་གཞི་བྱས་པའི་ཨོ་སི་ཀྲོ་ལི་ཡའི་གསར་འགོད་པ་ཇུ་ལིཡེན་ཨ་སན་ཇེ་གྱིས་བཙུགས་པའི་Wikileaksདྲ་རྒྱས་ཨ་མི་རི་ཀའི་དམག་དང་ཕྱི་འབྲེལ་གྱི་གནད་དོན་སྐོར་གསང་བའི་ཡིག་འབྲེལ་ཉིས་འབུམ་ལྔ་ཁྲི་ཙམ་ཕྱི་བསྒྲགས་བྱས་པའི་ནང་གི་རིམ་པ་དང་པོ་དེ་ཨ་མི་རི་ཀའི་ནིའུ་ཡོག་དུས་བབ་དང་དབྱིན་ཇིའི་རྡ་གའར་ཌིཡེན་སོགས་ཀྱིས་རེས་གཟའ་ཉི་མའི་ཉིན་དཔར་འགྲེམས་ཀྱི་བརྒྱུད་ནས་ཕྱི་བསྒྲགས་བྱས་ཡོད་ཅིང་ཕྱི་བསྒྲགས་བྱས་པའི་ཡིག་ཆ་ཁག་གི་ནང་ཨ་མི་རི་ཀས་འཛམ་གླིང་གི་རྒྱལ་ཁབ་མང་པོའི་དཔོན་རིགས་རྣམས་ཀྱི་ལྷན་དུ་གསང་བའི་གྲོས་མོལ་དང་ཨ་མི་རི་ཀའི་དཔོན་རིགས་རྣམས་ཀྱི་འཐབ་བྱུས་སོགས་གསང་བའི་གནད་དོན་མང་དག་ཅིག་ཕྱི་བསྒྲག་བྱས་ཡོད་པ་རེད་། གསང་བའི་གནད་དོན་ཕྱིར་གྱར་བྱས་པ་དེས་ཨ་མི་རི་ཀའི་འབྲེལ་ཡོད་རྒྱལ་ཁབ་དང་གསང་བའི་ལས་དོན་དང་འབྲེལ་བ་ཆགས་པའི་མི་སྣ་རྣམས་ཀྱི་བདེ་འཇགས་སོགས་ཀྱི་ཐད་ཨ་མི་རི་ཀར་དམིགས་བསལ་གྱི་ཐུགས་འཚབ་ཡོད་པ་རེད་བྱས་ཙང་ཨ་མི་རི་ཀའི་སྲིད་འཛིན་ལས་ཁང་གིས་གཞུང་གི་ལས་ཁུངས་ཁག་གིས་གསང་བའི་གནས་ཚུལ་ཉར་ཚགས་ཐོག་དམ་བསྒྲགས་ཚགས་ཚུད་དུ་གཏོང་དགོས་པའི་སྐོར་བཀའ་ནན་པོ་གནང་ཡོད་པའི་གནས་ཚུལ་ཐོན་འདུག་༎

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།