ལྷ་ལྡན་གཙུག་ལག་ཁང་ཕུད་དགོན་སྡེ་ཁག་རིམ་བཞིན་མཇལ་སྐོར་བར་སྒོ་ཕྱེ་རྒྱུ་ཡིན་འདུག


2020.05.19
ལྷ་ས་གྲོང་ཁྱེར། ༢༠༢༠།༥ ལྷ་ས་གྲོང་ཁྱེར། ༢༠༢༠།༥
བོད་འབྱོར།

བོད་རང་སྐྱོང་ལྗོངས་ཁུལ་གྱི་རྫོང་གྲོང་དང་གྲོང་ཁྱེར་ལྟེ་བའི་ཁུལ་གྱི་དགོན་སྡེ་ཁག་རིམ་བཞིན་མཇལ་སྐོར་བར་སྒོ་ཕྱེ་རྒྱུ་ཡིན་ཚུལ་བསྒྲགས་འདུག
ལྷ་སའི་གཙུག་ལག་ཁང་ཕུད་པའི་བོད་རང་སྐྱོང་ལྗོངས་ཁུལ་གྱི་རྫོང་གྲོང་དང་གྲོང་ཁྱེར་ལྟེ་བའི་ཁུལ་གྱི་དགོན་སྡེ་ཁག་སྤྱི་ལོ་༢༠༢༠་ལོའི་ཟླ་༥་པའི་ཚེས་༢༠་ཉིན་ནས་བཟུང་། རིམ་བཞིན་མཇལ་སྐོར་བར་སྒོ་ཕྱེ་རྒྱུ་ཡིན་པ་ལྷ་ས་གྲོང་ཁྱེར་ནང་བསྟན་མཐུན་ཚོགས་ཀྱིས་ཕྱི་ཟླ་༥ ་ཚེས་ ༡༩ ་ཉིན་གསལ་བསྒྲགས་བྱས་འདུག
གསལ་བསྒྲགས་དེའི་ནང་། ལྷ་ས་ཁུལ་གྱི་དད་ལྡན་པ་ཆོས་མཇལ་དུ་ཡོང་མཁན་ཚོས་ཡུལ་མིའི་ཐོབ་ཐང་ལག་འཁྱེར་མཉམ་འཁྱེར་དགོས་པ་དང་། ཡང་ཕྱི་ཕྱོགས་ཀྱི་དད་ལྡན་པ་དང་ཡུལ་སྐོར་བ་ཚོས་ཡུལ་མིའི་ཐོབ་ཐང་ལག་འཁྱེར་ཐོག་རིམས་ནད་སྔོན་འགོག་ཚོད་འཛིན་གྱི་འགྲོ་བསྐྱོད་ཨང་གྲངས་གཞིར་བཟུང་ཆོས་མཇལ་དང་གནས་གཟིགས་ལ་ཡོང་ཆོག་རྒྱུ་ཞེས་འཁོད་འདུག
ཕོ་བྲང་པོ་ཏཱ་ལ་དང་ལྷ་སའི་གཙུག་ལག་ཁང་། སེར་འབྲས་དགའ་གསུམ་གཙོས་རང་སྐྱོང་ལྗོངས་ཁུལ་གྱི་དགོན་པ་དང་། ལྷ་ཁང་ཡོངས་རྫོགས་འདི་ལོའི་བོད་ཀྱི་ལོ་གསར་མ་ཚེས་གོང་ནས་རྒྱ་ནག་ཝུའུ་ཧན་ནས་བྱུང་བའི་ཏོག་དབྱིབས་ནད་ཡམས་ཁྱབ་གདལ་བཀག་སྡོམ་སྔོན་འགོག་ཆེད་སྒོ་བརྒྱབ་ཡོད་པ་རེད། ལྷ་སའི་གཙུག་ལག་ཁང་སྒོ་མ་ཕྱེ་བའི་རྒྱུ་མཚན་ནི། དགོན་པའི་བདེ་སྲུང་དང་། མེ་ཟོན། གློག་ཤུགས་མཐོར་འདེགས། རིག་དངོང་སྲུང་སྐྱོབ་ཀྱི་ལས་གྲྭ་སྤེལ་བཞིན་ཡོད་ལུགས་ལྷ་སའི་ནང་བསྟན་མཐུན་ཚོགས་ཀྱི་གསལ་བསྒྲགས་དེའི་ནང་བཀོད་འདུག
ལྷ་སའི་གཙུག་ལག་ཁང་ནི་འཛམ་གླིང་མཉམ་འབྲེལ་རྒྱལ་ཚོགས་ཀྱི་རིག་གནས་སྲུང་སྐྱོབ་ཀྱི་རྣམ་གྲངས་སུ་ངོས་འཛིན་ཐོབ་པ་ཞིག་ཡིན་ཞིང་། ཉེ་བའི་ཆར་གཙུག་ལག་གི་མདུན་དུ་ཡོད་པའི་རྡོ་རིང་ཐོག་རྒྱ་ནག་གི་ཁྱད་ཆོས་ལྡན་པའི་འཛུགས་བསྐྲུན་ལས་གཞི་སྤེལ་བཞིན་པར་དོན་གཉེར་ཅན་མང་པོས་སེམས་འཚབ་བྱེད་བཞིན་ཡོད་པ་རེད།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དབོན་སྟོད་དགོན་པའི་ཕྱག་མཛོད་བགྲེས་པ་དང་གྲོང་ཚོའི་ལས་བྱེད་པ་གཉིས་ཀྱི་གྱོད་དོན་གཞུང་ཕྱོགས་གྱོད་ཞིབ་པར་རྩིས་སྤྲད་ཟིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎