གསར་འགྱུར་ཡིག་ཚགས།
2025-03-25
ཟླ་ ༣ ཚེས་ ༢༥ ཉིན་ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ (US Commission on International Religious Freedom - USCIRF) གིས་ཕྱི་ལོ་ ༢༠༢༥ ལོའི་ཆོས་དད་རང་དབང་གི་སྙན་ཐོ་ཞིག་འདོན་སྤེལ་གནང་ཡོད་པའི་ནང་། རྒྱ་ནག་གཞུང་གིས་མུ་མཐུད་རྒྱལ་སྤྱིའི་ཁྲོད་ཆོས་དད་རང་དབང་ལ་རྡོག་རོལ་གཏོང་བཞིན་པར། རྒྱ་ནག་དེ་བཞིན་དམིགས་བསལ་དོ་སྣང་བྱེད་དགོས་པའི་རྒྱལ་ཁབ་(CPCs) ཁོངས་སུ་བསྐྱར་དུ་བཅུག་འདུག
2025-03-25
འགྲོ་ཕན་བོད་ཀྱི་སྨན་རྩིས་ཁང་བོད་ཀྱི་རྒྱལ་ས་ལྷ་སར་གསར་འཛུགས་བསྐྱངས་ཏེ་ལོ་ངོ་ ༡༠༩ འཁོར་བ་དང་། ཕྱིས་སུ་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་རྡ་རམ་ས་ལར་བསྐྱར་འཛུགས་མཛད་དེ་ལོ་ངོ་ ༦༤ འཁོར་བའི་དུས་དྲན་མཛད་སྒོ་ཞིག་ཕྱི་ཚེས་ ༢༥ རེས་གཟའ་མིང་དམར་ཉིན་བཞུགས་སྒར་དུ་ཡོད་པའི་སྨན་རྩིས་མཐོ་སློབ་ཁང་གི་ཚོགས་ཁང་དུ་ཚོགས་སོང་།
2025-03-25
འདི་ལོའི་ཕྱི་ཟླ་ ༠༣ ནས་རྒྱ་ནག་གཞུང་གིས་བོད་རང་སྐྱོང་ལྗོངས་མི་རིགས་མཐུན་སྒྲིལ་ཡར་ཐོན་སྲོལ་ཡིག་བསྐྱར་བཅོས་བྱས་པ་དེ་ཉིད་ལག་བསྟར་བྱེད་འགོ་བཙུགས་ཏེ། བོད་རིགས་ཐེ་བའི་རྒྱ་ནག་གི་བཙན་དབང་འོག་ཡོད་པའི་མི་རིགས་ཚང་མ་རྒྱ་ཧན་མི་རིགས་ལ་བཙན་སྒྱུར་དང་། རྒྱ་ཧན་མི་རིགས་ཀྱི་བསམ་བློ་དང་འདུ་ཤེས་གོང་མཐོར་གཏང་རྒྱུའི་བཙན་སྐུལ་གཏོང་བཞིན་འདུག
2025-03-25
བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དགུ་པའི་ལས་ཉིན་བརྒྱད་པའི་ཉིན་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་སྔོན་རྩིས་སྤྱི་ཡོངས་ཐོག་བགྲོ་གླེང་གནང་སྐབས་སྤྱི་འཐུས་ཁག་ཅིག་ནས་བོད་མིའི་སྒྲིག་འཛུགས་རང་ཁ་རང་གསོ་ཡོང་བར་དཔྱ་དངུལ་འབུལ་བབ་ལ་སྤར་ཆ་ཞུ་རྒྱུ་དང་། ལས་དོན་འགྲོ་གྲོན་ཐད་སྲི་ཚགས་གནང་རྒྱུར་དགོངས་ཚུལ་གསུངས་པར། སྲིད་སྐྱོང་སྤེན་པ་ཚེ་རིང་ལགས་ནས་བོད་མིའི་སྒྲིག་འཛུགས་རང་ཁ་རང་གསོ་ཡོང་བར་གཞུང་དམངས་གཉིས་ཀས་ནུས་པ་མཉམ་སྤུངས་དགོས་སྐོར་ལན་འདེབས་གནང་སོང་།
2025-03-24
ཟླ་ ༣ ཚེས་ ༢༤ ཉིན་ཨ་རིའི་གྲོས་ཚོགས་ཚོགས་ཁང་དུ་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༠ ལ་ཕེབས་པའི་འཁྲུངས་སྐར་སྲུང་བརྩི་ཞུས་པ་དང་སྦྲགས། ༸གོང་ས་༸སྐྱབས་མགོན་ཆེན་པོ་མཆོག་གིས་བོད་དང་བོད་མི་དམངས་ཆེད་དུ་སྐུ་ཚེ་ཧྲིལ་པོར་ལྷག་བསམ་རྣམ་དག་གིས་དབུ་ཁྲིད་གནང་བ་དང་། དེ་བཞིན་མགོན་པོ་མཆོག་གིས་འཛམ་གླིང་འདིའི་ཐོག་མི་ཆོས་རིང་ལུགས་ཀྱི་ཞབས་འདེགས་ཞུ་བའི་ཁྱད་དུ་འཕགས་པའི་ཞབས་འདེགས་ཞུས་ཡོད་པར་བཀའ་དྲིན་རྗེས་དྲན་གྱི་མཛད་སྒོ་ཞིག་འཚོགས་ཡོད་པ་རེད།
2025-03-24
ཉེ་ལམ་རྒྱ་ནག་གི་ཚན་རིག་པ་ཚོས་ཞིབ་འཇུག་བྱས་པའི་གྲུབ་དོན་དུ། འདས་པའི་ལོ་ངོ་ ༣༦ རིང་གནམ་གཤིས་འགྱུར་ལྡོག་གིས་མཚོ་སྔོན་བོད་མཐོ་སྒང་གི་མཚོ་ཁག་ལ་ཤུགས་རྐྱེན་ཆེན་པོ་ཐེབས་པ་དེས། ས་གནས་ཀྱི་འཛུགས་སྐྲུན་དང་གནས་སྡོད་མི་མང་ལ་ཉེན་ཁ་བསྐྲུན་ཡོད་པ་གསལ་སྟོན་བྱས་ཡོད་སྐོར། རྒྱ་ནག་གི་ (China Daily) བརྒྱུད་ལམ་དུ་འདི་ཚེས་ ༢༤ ཉིན་གནས་ཚུལ་སྤེལ་འདུག
2025-03-24
བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་འདི་ནི་རྩ་བའི་ཆ་ནས་སྔོན་རྩིས་གཏན་འབེབས་ཀྱི་གྲོས་ཚོགས་ལས་རིམ་ཆགས་ཡོད་ནའང་། ད་ལྟའི་ཆར་བཙན་བྱོལ་བོད་མིའི་ཆེས་མཐོའི་ཁྲིམས་ཁང་གི་ཁྲིམས་ཞིབ་པ་ཆེ་བ་དང་ཁྲིམས་ཞིབ་པ་གཞན་གཉིས་བཅས་བསྐོ་བཞག་གནང་དགོས་སུ་ཆགས་ཡོད་པས། སྔ་འཕྲོས་སུ་གོང་གསལ་ཆེས་མཐོའི་ཁྲིམས་ཞིབ་ཁང་གི་ཁྲིམས་དེབ་གསུམ་གྲོས་ཚོགས་སུ་གཏན་འབེབས་གནང་ཐུབ་དགོས་པ་ཤིན་ཏུ་གལ་ཆེན་པོར་བརྩི་བཞིན་ཡོད།
2025-03-24
གནས་ཆུང་ཆོས་རྒྱལ་ཆེན་པོའི་བཀའ་ལུང་དགོངས་དོན་ལྟར་ཕྱི་ཟླ་ ༣ ཚེས་ ༢༤ རེས་གཟའ་ཟླ་བའི་ཉིན་གྱི་སྔ་དྲོ་བཞུགས་སྒར་རྒྱལ་བའི་ཕོ་བྲང་དུ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གནས་ཆུང་སྒྲ་དབྱངས་གླིང་གྲྭ་ཚང་གིས་རྒྱལ་པོ་ཚེ་ལྷ་དཀར་པོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས་པ་དང་འབྲེལ། སྐབས་དེར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགུང་གྲངས་ ༡༣༠ ལྷག་བཞུགས་རྒྱུའི་ཞལ་བཞེས་བསྐྱར་ནན་མཛད་འདུག
2025-03-24
ཧྥ་རན་སིའི་རྒྱལ་ས་པ་རི་སིར་ཡོད་པའི་གྷུའི་མེཊི་འགྲེམས་སྟོན་ཁང་ནས་བོད་དང་འབྲེལ་བའི་དངོས་རྫས་དཀར་ཆག་ཏུ་བོད་ཅེས་པའི་ཐ་སྙད་བསྐྱར་གསོ་ཡོང་ཐབས་སུ་ལས་འགུལ་བ་རྣམས་ནས་ངོ་རྒོལ་མུ་མཐུད་གནང་མུས་རེད་འདུག
2025-03-24
རྒྱ་ནག་གཞུང་གིས་ཆབ་མདོ་སྨར་ཁམས་རྫོང་མཚོ་རྔ་ཡུལ་ཚོའི་རི་རྒྱུད་དུ་གཏེར་ཁ་སྔོག་འདོན་གྱི་ལས་གཞི་ཤུགས་ཆེར་གཉེར་བཞིན་པར་བོད་མི་ཚོས་མཚམས་འཇོག་ཡོང་བའི་རེ་སྐུལ་ཞུས་པར་རྒྱ་ནག་གཞུང་གིས་འཇིགས་སྐུལ་བཏང་འདུག
2025-03-24
ཨེ་ཤེ་ཡ་རང་དབང་རླུང་འཕྲིན་ཁང་དང་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་ནི་དང་ཐོག་བྱས་ན་ཨ་རིའི་འཛམ་གླིང་ཁྱབ་སྤེལ་མ་ལག་ནང་དུ་གལ་ཆེ་ཤོས་ཀྱི་སྐད་སྒྲའི་གྲས་ཤིག་ཡིན་ཞིང་། ཁོང་ཚོ་སྒོ་བརྒྱབ་པ་འདིས་བོད་མི་ཚོར་གནས་ཚུལ་གྱི་ཡོངས་ཁུངས་གལ་ཆེ་ཤོས་ཤིག་མེད་པ་ཆགས་པ་མ་ཟད། ཨ་རིའང་རྒྱལ་སྤྱིའི་གླེང་ཕྱོགས་ཀྱི་ཁྲོད་དུ་གཞན་དབང་ནང་ལྷུང་རྒྱུ་རེད།
2025-03-22
བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༩ པའི་ལས་ཉིན་དྲུག་པ་སྟེ། སྤྱི་ཟླ་ ༣ པའི་ཚེས་ ༢༢ ཉིན། གྲོས་ཚོགས་སུ་བོད་མིའི་སྒྲིག་འཛུགས་ཀྱི་དཔལ་འབྱོར་བཀའ་བློན་སྤེན་པ་ཚེ་རིང་ལགས་ནས། བཙན་བྱོལ་བོད་མིའི་གཞུང་དངུལ་འདུ་འགོད་དང་ལོ་འཁོར་སྔོན་རྩིས་སྟངས་འཛིན་བཅས་ཀྱི་སྒྲིག་གཞི་བསྐྱར་བཅོས་ཀྱི་ཁྲིམས་འཆར་ཅིག་བཏོན་གནང་སོང་།
2025-03-22
མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་ཐུན་ ༥༨ ཐོག་ཡུ་རོབ་རྒྱལ་ཁབ་ ༢༨ ནས་བོད་ནང་གི་འགྲོ་བ་མིའི་ཐོབ་ཐང་གི་ཛ་དྲག་གནས་སྟངས་ལ་བློ་འཚབ་ཡོད་པའི་མཉམ་སྦྲེལ་བསྒྲགས་གཏམ་སྤེལ་འདུག་པ་མ་ཟད། རྒྱ་ནག་གཞུང་གནས་རྒྱལ་སྤྱིའི་ཁྲིམས་སྒྲིག་ཁག་ལ་བརྩི་སྲུང་དགོས་པའི་འབོད་སྐུལ་གནང་བར་བོད་མིའི་སྒྲིག་འཛུགས་ནས་དགའ་བསུ་ཞུས་འདུག
2025-03-22
དེ་རིང་ཕྱི་ཟླ་ ༣ ཚེས་ ༢༢ རེས་གཟའ་སྤེན་པའི་ཉིན་བཞུགས་སྒར་༸རྒྱལ་བའི་ཕོ་བྲང་དུ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གློ་མོན་ཐང་ནས་ཡིན་པའི་དད་ལྡན་པ་ ༢༥ ནས་སྐུ་ཚེ་ཡུན་རིང་བརྟན་ཆེད་དུ་བརྟན་བཞུགས་བསྡུས་པ་བསྟར་འབུལ་འབྲེལ། མགོན་པོ་མཆོག་གིས་ཧི་མ་ལ་ཡའི་རི་རྒྱུད་དང་ཕྱིའི་རྒྱལ་ཁབ་ཁག་ནས་ཕེབས་པའི་དད་ལྡན་མཇལ་ཞུ་བ་ ༣༨༠ ལྷག་ལ་མཇལ་ཁ་སྩལ་གནང་མཛད་འདུག
2025-03-21
འདི་ལོའི་༧རྒྱལ་བའི་གོ་སྟོན་གྱི་རིག་གཞུང་འཁྲབ་སྟོན་གྱི་བརྗོད་གཞི་གཙོ་བོ་ཇི་ཡིན་དང་། དངོས་གཞིའི་འཁྲབ་སྟོན་རྣམ་གྲངས་ཀྱི་ཆ་རྐྱེན་དང་འགག་ཆ་བཅས་ཐག་གཅོད་ཇི་ལྟར་གནང་མིན།
