ལས་འཆར་འདིའི་དམིགས་ཡུལ།
རིང་མིན་འཐུང་ཆུ་ནི་འཛམ་གླིང་ནང་རྡོ་སྣུམ་ལས་དཀོན་པའི་རང་བྱུང་ཐོན་ཁུངས་སུ་གྱུར་ངེས་རེད། འོན་ཀྱང་མཁོ་ཆས་འདི་ཁོ་ནར་ཁ་གསབ་བམ་ཡང་ན་ཁྲོམ་རྭའི་ནང་ཉོ་ཚོང་བྱེད་ས་ཡོད་མ་རེད། ཨེ་ཤེ་ཡའི་ནང་མི་འབོར་ལྔ་ཆ་གཅིག་ལ་འཐུང་ཆུ་གཙང་མའི་མཐུན་རྐྱེན་ཡོད་མ་རེད། ཁུལ་དེའི་མི་མང་ལ་ཆུ་འཛམ་གླིང་ནང་གི་ཆ་སྙོམས་ཐོབ་ཆའི་ཕྱེད་ཀ་ལས་ཉུང་བ་ཡོད་ལ་དགོས་མཁོ་ཆེ་རུ་འགྲོ་བཞིན་ཡོད་རེད།གནས་སྟངས་ཛ་དྲག་ཅན་དུ་འགྱུར་བའི་རྒྱུ་རྐྱེན་གཙོ་བོ་ནི།ས་གོ་ལའི་དྲོད་ཚད་མཐོ་རུ་འགྲོ་བཞིན་པ་དང༌།ཆུ་མང་དགོས་པའི་སོ་ནམ་ཞིང་ལས།མི་འབོར་འཕེལ་རྒྱས།དེ་བཞིན་ཆུ་བདག་གཅེས་མ་བྱས་སོགས་རེད།ཨེ་ཤེ་ཡ་རང་དབང་རླུང་འཕྲིན་ཁང་ནས་ཆུའི་དཀའ་ངལ་ཆེ་ཤོས་འཕྲད་ཡུལ་གྱི་ཞིང་གྲོང་གསེབ་པ་དང༌། ཞིང་པ།འབྲོག་པ་སོགས་ཀྱི་ལ་ཉན་ཞིབ་བྱས་ཡོད།