ئۇيغۇر بۆلۈمى ئىجتىمائىي تاراتقۇ مەسلىھەتچىسى قوبۇل قىلىدۇ

ئەركىن ئاسىيا رادىئوسى ئۇيغۇر بۆلۈمى ئىجتىمائىي تاراتقۇ مەسلىھەتچىسى قوبۇل قىلىدۇ.

ئەركىن ئاسىيا رادىئوسى ئۇيغۇر بۆلۈمى ئىجتىمائىي تاراتقۇ مەسلىھەتچىسى قوبۇل قىلىدۇ. بۇ بىر توختاملىق ئىستاژ بولۇپ، قوبۇل قىلىنغۇچى ئەركىن ئاسىيا رادىئوسىنىڭ ۋاشىنگتون د س دىكى باش شتابىدا كۈنىگە يېرىم كۈن (ھەر كۈنى چۈشتىن بۇرۇن) ئىشلەيدۇ.

خىزمەت مەسئۇلىيىتى تۆۋەندىكىلەرنى ئۆز ئىچىگە ئالىدۇ:

  • رەھبەرلىك گۇرۇپپىسىنىڭ بىۋاسىتە يېتەكچىلىكىدە تور مۇھەررىرى بىلەن ھەمكارلىشىپ ئىشلەيدۇ
  • ئۇيغۇر بۆلۈمىنىڭ ئىجتىمائىي تاراتقۇلاردىكى بەتلىرىنى باشقۇرىدۇ، تەھرىرلەيدۇ، رادىئومىزدا ئېلان قىلىنغان ئۇيغۇرلارغا مۇناسىۋەتلىك خەۋەر، ۋىدىيو، رەسىم قاتارلىق مەزمۇنلارنى ئىجتىمائىي تاراتقۇ بەتلىرىگە چىقىرىدۇ ھەمدە بۇلارنى Facebook ، Twitter ، Instagram ، WhatsApp ۋە YouTube قاتارلىق تاراتقۇلاردا ھەمبەھىرلەپ تارقىتىدۇ.
  • ئىجتىمائىي تاراتقۇلاردا ئوقۇرمەنلەر سانىنى كۆپەيتىش ۋە دىققەت جەلپ قىلىش ئۈچۈن قىزىقىش قوزغايدىغان سۆز-جۈملىلەرنى ئىشلىتىپ، خەۋەر ماۋزۇسى ۋە قىسقىچە مەزمۇنلىرىنى يېزىپ چىقىدۇ
  • زۆرۈر تېپىلغاندا رەسىم ۋە قىسقا فىلىملارنى ئىشلەيدۇ
  • خەۋەر-ئۇچۇرلارنى ئىنگلىزچىغا تەرجىمە قىلىشقا ياردەم قىلىدۇ
  • رەھبەرلىك گۇرۇپپىسى تەلەپ قىلغاندا ئىجتىمائىي تاراتقۇلارغا ماتېرىيال تەييارلايدۇ

لاياقەت شەرتلىرى :

  • ئىجتىمائىي تاراتقۇلارنى ئىشلىتىشكە ماھىر، ئىجتىمائىي تاراتقۇ ئېقىمىنى چۈشىنىدىغان ۋە يېڭى نەرسىلەرنى تىز ئۆگىنىش ئىقتىدارى بولۇش
  • ئۇيغۇرچە ئوقۇش، سۆزلەش، يېزىش سەۋىيەسى ئالاھىدە ياخشى بولۇش
  • ئىنگلىزچىسى (سۆزلەش ۋە يېزىشتا) راۋان بولۇش
  • كېرەكلىك مەزمۇنلارنى يېزىش، ئىملا تەكشۈرۈش ۋە تەھرىرلەش ئىقتىدارى بولۇش
  • تور مەزمۇنلىرىنى ئىزدەش، ئىجتىمائىي تاراتقۇ ئابونتلىرىغا ئەگىشىش ۋە ئۇلار بىلەن ئاكتىپ ئالاقە قىلالايدىغان بولۇش
  • تېپىلغان ئۇچۇر -مەلۇماتلارنى باھالاش، تەھقىقلەش ۋە تەھرىرلەش ئىقتىدارى بولۇش
  • زۆرۈر تېپىلغاندا ھەپتە ئاخىرىنى ئۆز ئىچىگە ئالغان كۈنلەردە ۋە خالىغان ۋاقىتتا ئىشلەشكە رازى بولۇش
  • ئاخباراتچىلىق، كومپيۇتېر ۋە بۇلارغا مۇناسىۋەتلىك كەسىپلەردە باكالاۋرلىق ئۇنۋانى ئالغان بولۇش
  • ئامېرىكا داقانۇنلۇق ئىشلەش رۇخسىتى بولۇش

بۇ ئورۇنغا ئىلتىماس قىلىشنى خالايدىغانلار، قىسقىچە تەرجىمىھالى ۋە نېمە ئۈچۈن بۇ ئورۇنغا قىزىققانلىقى بايان قىلىنغان بىر پارچە خەتنى « rfajobs@rfa.org» ئېلخەت ئادرېسىغا يوللىشى كېرەك. ئېلخەت تېمىسىغا «Uyghur Service Social Media Consultant» دەپ ئىزاھات بېرىشى كېرەك.