Disnéy filimni"Mulan" ning turpan wilayitidiki süretke élish orni bilen yéghiwélish lagérliri we türmilerning jaylishish orni

2020-04-21
Élxet
Pikir
Share
Print
Internment Camp Sites and  Mulan Film Locations in the Xinjiang Uyghur Autonomous Region's Turpan Prefecture
Internment Camp Sites and Mulan Film Locations in the Xinjiang Uyghur Autonomous Region's Turpan Prefecture
Photo: RFA

 

"Mulen" filimi ishlen'gen turpan sheher ichi we etrapida 8 orunda lagér barliqi delillendi
Disnéy filim shirkiti turpanda ishligen "Mulen" filimi 4-séntebir küni qoyulushqa bashlighandin kéyin turpandiki lagérlar bir qisim xelq'ara jama'etning diqqet merkizige aylandi. Muxbirimizning bu sewebtin turpan'gha qarita élip barghan téléfon ziyaretliri dawamida turpanning sheher ichi we etrapidila 8 orunda lagér barliqi delillendi. Mezkur lagérlarning üchide wezipe ötigen bir saqchi xadimi bu lagérlardiki tutqunlarning aran bir ayda bir qétim bina hawalandurilidighanliqini ashkarilidi. Töwende muxbirimiz shöhret hoshurning bu heqte teyyarlighan programmisi diqqitinglarda bolidu.
Disnéy filimni"Mulan" ning turpan wilayitidiki süretke élish orni bilen yéghiwélish lagérliri we türmilerning jaylishish orni
"Mulen" filimining Uyghur rayonida lagérlargha adem toplash ewjige chiqqan 2018‏-yilida sin'gha élinishi, mezkur filim ishligüchilirining bazar qoghliship Uyghur rayonidiki siyasiy paji'elerge köz yumghanliq mesilisini axbarat küntertipige élip keldi. Disnéy filim shirkitining filim ishlesh jeryanida lagérlar mesilisige shahit bolmasliqining mumkin emeslikini isharetligen kanadaliq lagér tetqiqatchisi shawn jang disnéy filim guruppisi turpan ayrodromidin pichan'gha qarap mangghanda az dégende 7 lagérgha shahit bolidighanliqini otturigha qoydi. Téléfonimizni qobul qilghan pichandiki saqchi xadimi turpan sheher ichi we yéqin etrapidila 8 orunda lagér barliqini delillidi. Bu xadim yene mezkur lagérlarda oxshimighan waqitlarda wezipe ötigen bir saqchining téléfon nomurini teminlidi. Nöwette bir saqchixanida yardemchi saqchi bolup ishlewatqan bu xadim özining turpan sheher ichi we etrapidiki 3 lagérda wezipe ötigenlikini tilgha aldi. Bayan qilinishiche, u turpan shehiridiki 1-, 5- we 6-terbiyilesh mektipi dep atalghan 3 lagérda wezipe ötigen. U özining bir yardemchi saqchi bolush süpiti bilen lagérning omumi ehwali heqqide köp bir nerse bilmeydighanliqi, peqet 5-lagérdiki bir qisim ishlardin xewerdar ikenlikini éytti. Özi ishligen lagérlarning orni we qurulushi heqqide qisqiche melumat bergen bu xadim, 5-lagérdiki bir sinipta 36 kishi oqughanliqi we bu 36 kishining yashta eng chongining 60 yash, eng kichikining 17 yash ikenlikini ashkarilidi. Mezkur xadim yene bu bir sinipta oquydighan 36 kishining bir yataqta yatqanliqini bayan qildi, biz uningdin yataqning chong-kichikliki we hawa ötüshüsh ehwalini sorighinimizda؛ u tutqunlarning ayda bir qétim bina sirtigha élip chiqilip hawalandurilidighanliqini bayan qildi. Uning déyishiche, bu hawalandurushqa, pütün lagérdiki oqughuchilar birlikte emes, belki bir sinip bir sa'ettin nöwet bilen achiqilidiken. Lagérda kishiler köp bolghanliqi üchün bezide hawalandurulush nöwiti bir aydinmu éship kétidiken.
Nöwette shiwétsiyede yashawatqan sabiq saqchi yolwas ependi, Uyghur rayonidiki qamaqxanilarda adette jinayetchilerning 7 künde bir qétim hawalandurilidighanliqni bayan qilip, lagérdikilerning künining türme we qamaqxanidinmu nachar we wehimilik ikenlikini eskertti.
Melum bolushiche, turpanda ishlen'gen" mulen "Filimining axirida Uyghur rayonluq teshwiqat idarisi bilen turpan wilayetlik saqchi idarisige heshqalla éytilghan. Sabiq saqchi yolwas ependi filim ishligüchilirining turpandiki mezkur lagérlarni körmesliki we lagérda boluwatqanlarni bilmeslikining mumkin emeslikini, peqet bazar qoghlushupla, teshwiqat tarmaqlirining rayigha béqip, lagérdiki paji'elerge köz yumghanliqini ilgiri sürdi.
Turpanda üch lagérda wezipe ötigen mezkur saqchi xadimi birinchi lagérda 5 ay wezipe ötesh jeryanida özining 12 kishining ölümige shahit bolghanliqini ashkarilidi.
Yuqirida disnéy filim shirkiti" mulen "Dégen filimni sin'gha alghan turpan shehiride 8 lagér barliqi we we lagérdiki tutqunlarning bir ayda bir qétim hawalanduriliwatqanliqi heqqide melumat berduq.

"Mulen" filimi ishlen'gen turpan sheher ichi we etrapida 8 orunda lagér barliqi delillendidisnéy filim shirkiti turpanda ishligen "Mulen" filimi 4-séntebir küni qoyulushqa bashlighandin kéyin turpandiki lagérlar bir qisim xelq'ara jama'etning diqqet merkizige aylandi. Muxbirimizning bu sewebtin turpan'gha qarita élip barghan téléfon ziyaretliri dawamida turpanning sheher ichi we etrapidila 8 orunda lagér barliqi delillendi. Mezkur lagérlarning üchide wezipe ötigen bir saqchi xadimi bu lagérlardiki tutqunlarning aran bir ayda bir qétim bina hawalandurilidighanliqini ashkarilidi. Töwende muxbirimiz shöhret hoshurning bu heqte teyyarlighan programmisi diqqitinglarda bolidu."Mulen" filimining Uyghur rayonida lagérlargha adem toplash ewjige chiqqan 2018‏-yilida sin'gha élinishi, mezkur filim ishligüchilirining bazar qoghliship Uyghur rayonidiki siyasiy paji'elerge köz yumghanliq mesilisini axbarat küntertipige élip keldi. Disnéy filim shirkitining filim ishlesh jeryanida lagérlar mesilisige shahit bolmasliqining mumkin emeslikini isharetligen kanadaliq lagér tetqiqatchisi shawn jang disnéy filim guruppisi turpan ayrodromidin pichan'gha qarap mangghanda az dégende 7 lagérgha shahit bolidighanliqini otturigha qoydi. Téléfonimizni qobul qilghan pichandiki saqchi xadimi turpan sheher ichi we yéqin etrapidila 8 orunda lagér barliqini delillidi. Bu xadim yene mezkur lagérlarda oxshimighan waqitlarda wezipe ötigen bir saqchining téléfon nomurini teminlidi. Nöwette bir saqchixanida yardemchi saqchi bolup ishlewatqan bu xadim özining turpan sheher ichi we etrapidiki 3 lagérda wezipe ötigenlikini tilgha aldi. Bayan qilinishiche, u turpan shehiridiki 1-, 5- we 6-terbiyilesh mektipi dep atalghan 3 lagérda wezipe ötigen. U özining bir yardemchi saqchi bolush süpiti bilen lagérning omumi ehwali heqqide köp bir nerse bilmeydighanliqi, peqet 5-lagérdiki bir qisim ishlardin xewerdar ikenlikini éytti. Özi ishligen lagérlarning orni we qurulushi heqqide qisqiche melumat bergen bu xadim, 5-lagérdiki bir sinipta 36 kishi oqughanliqi we bu 36 kishining yashta eng chongining 60 yash, eng kichikining 17 yash ikenlikini ashkarilidi. Mezkur xadim yene bu bir sinipta oquydighan 36 kishining bir yataqta yatqanliqini bayan qildi, biz uningdin yataqning chong-kichikliki we hawa ötüshüsh ehwalini sorighinimizda؛ u tutqunlarning ayda bir qétim bina sirtigha élip chiqilip hawalandurilidighanliqini bayan qildi. Uning déyishiche, bu hawalandurushqa, pütün lagérdiki oqughuchilar birlikte emes, belki bir sinip bir sa'ettin nöwet bilen achiqilidiken. Lagérda kishiler köp bolghanliqi üchün bezide hawalandurulush nöwiti bir aydinmu éship kétidiken.Nöwette shiwétsiyede yashawatqan sabiq saqchi yolwas ependi, Uyghur rayonidiki qamaqxanilarda adette jinayetchilerning 7 künde bir qétim hawalandurilidighanliqni bayan qilip, lagérdikilerning künining türme we qamaqxanidinmu nachar we wehimilik ikenlikini eskertti.Melum bolushiche, turpanda ishlen'gen" mulen "Filimining axirida Uyghur rayonluq teshwiqat idarisi bilen turpan wilayetlik saqchi idarisige heshqalla éytilghan. Sabiq saqchi yolwas ependi filim ishligüchilirining turpandiki mezkur lagérlarni körmesliki we lagérda boluwatqanlarni bilmeslikining mumkin emeslikini, peqet bazar qoghlushupla, teshwiqat tarmaqlirining rayigha béqip, lagérdiki paji'elerge köz yumghanliqini ilgiri sürdi.Turpanda üch lagérda wezipe ötigen mezkur saqchi xadimi birinchi lagérda 5 ay wezipe ötesh jeryanida özining 12 kishining ölümige shahit bolghanliqini ashkarilidi.Yuqirida disnéy filim shirkiti" mulen "Dégen filimni sin'gha alghan turpan shehiride 8 lagér barliqi we we lagérdiki tutqunlarning bir ayda bir qétim hawalanduriliwatqanliqi heqqide melumat berduq.

Pikirler (0)
Share
Toluq bet