Америкидики диний әркинликни илгири сүрүш министирлар йиғини хитайни лагердики уйғурларни қоюп беришкә чақирди

Мухбиримиз алим сейитоф
2019-07-18
Елхәт
Пикир
Share
Принт

Америка ташқи ишлар министирлиқида 18-июл диний әркинликни илгири сүрүш министирлар йиғининиң аяғлишиш һарписида баянат елан қилинип, хитай һөкүмитини аз санлиқ милләт вә диний гуруппиларни кәң көләмдә қамиши, уларниң мәдәнийити вә диний паалийәтлирини қаттиқ контролға учритиш һәрикәтлирини тохтитишқа чақириқ қилинди. Бу баянатта, : «биз хәлқара җәмийәтниң вәкиллири болуш сүпитимиз билән хитайниң диний әркинликкә қарши күнсери күчәйтиватқан, кәң көләмлик вә һәддидин зиядә чәклимилиридин чоңқур әндишә қиливатимиз. Уйғур, қазақ вә башқа мусулманлар, шундақла тибәт буддистлири, католик, христиан вә фалунгоңчилар өзлириниң диний етиқади үчүн қаттиқ зиянкәшлик вә кәмситишкә учраватмақта» дейилгән.

Мәзкур баянатта йәнә «: биз хитай компартийәсиниң уйғур мусулманлири вә тибәт буддистлириниң диний, тил вә мәдәнийәт салаһийәтлирини узун муддәттин бери бастуруватқанлиқиға көңүл бөлүватимиз. Болупму, шинҗаңдики уйғур, қазақ, қирғиз вә башқа мусулман гуруппилар учраватқан юқири дәриҗилик бастуруштин қаттиқ һәйран қалдуқ» дейилгән.

Бу баянатниң ахирида: «биз хитай һөкүмитини барлиқ шәхсләрниң хәлқарада тонулған диний әркинлик һоқуқини қоғдишиға вә барлиқ диний гуруппиларниң кишилик һоқуқини хитайниң кишилик һоқуқ вәдилиригә асасән һөрмәт қилишиға алаһидә үндәймиз. Бундақ болғандила, хитайдики вә униң әтрапидики қошнилири арисидики тинчлиқ, бихәтәрлик вә муқимлиқ илгири сүрүлиду» дейилгән.

Пикирләр (0)
Share
Толуқ бәт