Amérikidiki diniy erkinlikni ilgiri sürüsh ministirlar yighini xitayni lagérdiki Uyghurlarni qoyup bérishke chaqirdi

Muxbirimiz alim séyitof
2019-07-18
Élxet
Pikir
Share
Print

Amérika tashqi ishlar ministirliqida 18-iyul diniy erkinlikni ilgiri sürüsh ministirlar yighinining ayaghlishish harpisida bayanat élan qilinip, xitay hökümitini az sanliq millet we diniy guruppilarni keng kölemde qamishi, ularning medeniyiti we diniy pa'aliyetlirini qattiq kontrolgha uchritish heriketlirini toxtitishqa chaqiriq qilindi. Bu bayanatta, : "Biz xelq'ara jem'iyetning wekilliri bolush süpitimiz bilen xitayning diniy erkinlikke qarshi künséri kücheytiwatqan, keng kölemlik we heddidin ziyade cheklimiliridin chongqur endishe qiliwatimiz. Uyghur, qazaq we bashqa musulmanlar, shundaqla tibet buddistliri, katolik, xristi'an we falun'gongchilar özlirining diniy étiqadi üchün qattiq ziyankeshlik we kemsitishke uchrawatmaqta" déyilgen.

Mezkur bayanatta yene ": Biz xitay kompartiyesining Uyghur musulmanliri we tibet buddistlirining diniy, til we medeniyet salahiyetlirini uzun muddettin béri basturuwatqanliqigha köngül bölüwatimiz. Bolupmu, shinjangdiki Uyghur, qazaq, qirghiz we bashqa musulman guruppilar uchrawatqan yuqiri derijilik basturushtin qattiq heyran qalduq" déyilgen.

Bu bayanatning axirida: "Biz xitay hökümitini barliq shexslerning xelq'arada tonulghan diniy erkinlik hoquqini qoghdishigha we barliq diniy guruppilarning kishilik hoquqini xitayning kishilik hoquq wedilirige asasen hörmet qilishigha alahide ündeymiz. Bundaq bolghandila, xitaydiki we uning etrapidiki qoshniliri arisidiki tinchliq, bixeterlik we muqimliq ilgiri sürülidu" déyilgen.

Toluq bet