Рабийә қадир ханим йетәкчиликидә германийидә ғулҗа вәқәси мунасивити билән намайиш өткүзүлди

Рабийә қадир ханим явропадики зияритиниң ахирқи бекити болған германийигә 4-феврал күни йетип келип, 5-феврал күни ғоҗа вәқәсиниң 14 йиллиқи мунасивити билән мюнхен шәһиридә уюштурулған намайишқа қатнашти.
Ихтиярий мухбиримиз әкрәм
2011-02-06
Share
rabiye-germaniye-305.jpg 2009 - Йили 16-өктәбир, рабийә қадир ханим геманийидики бир ахбарат йиғинида сөз қилмақта.
AFP

Бу қетимқи намайишниң ечилиш нутқини германийидики төт чоң партийиниң бири болған, һазир һакимийәт үстидики йешиллар партийисиниң мәсуллиридин маргерита бавзи ханим сөзлиди. У сөзидә баварийә президентиниң рабийә қадир ханимға йоллиған саламлирини йәткүзүш билән биллә, уйғур дәвасиниң һәқлиқ бир дәва болғанлиқини вә пүтүн дуняниң уйғурларға һесдашлиқ қилиши зөрүрлүкини тәкитлиди. Германийә милләт вәкили бавзи ханимниң тәсирлик нутқи миңлиған тамашибинларниң күчлүк диққитини җәлп қилди.

rabiye-xanim-6-fewral-myunxendiki-yighinda-385.jpg
Рабийә қадир ханим 2011-йили 6-феврал күни мюнхен йиғинда.
RFA/Ekrem

Өз нөвитидә, уйғур миллий һәрикитиниң рәһбири, д у қ рәиси рабийә қадир ханим сөз елип, уйғур миллитиниң нөвәттә дуч келиватқан азаб-оқубәтлирини көзәткүчиләргә аңлатти вә һәр саһә мухбирларниң уйғурлар һәққидә сориған соаллириға җаваб бәрди. Рабийә ханим сөзләштин бурун әтрапқа топланған миңлиған аммиға рабийә ханимниң сәргүзәштлири вә елип барған күрәшлири һәққидә қисқичә чүшәнчә берип өтүлди.

Д у қ муавин рәиси әсқәрҗан әпәнди, бу қетимқи намайишқа германийә парламенти вә инсан һәқлири тәшкилатлириниң көплигән рәһбәрлириму қатнашқанлиқини әскәртти.

Бу қетимқи намайишта уйғурлар үчүн тәшвиқат вәрәқилири тарқитишқа ярдәмләшкән герман зиялийси яна ханим, уйғурларниң 5-феврал йүз бәргән бу қанлиқ қирғинчилиқни унтуп қалмаслиқини вә дуняниңму есигә селип турушни тәкитлиди.

5-Феврал ғоҗа вәқәсиниң 14 йиллиқи мунасивити билән өткүзүлгән бу намайишқа 200 гә йеқин уйғур вә башқа милләт әзалири иштирак қилған болуп, намайиш чүштин кейин саәт 2:00 дин 4:30 ғичә давам қилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт