Xitay kommunist partiyisi néme üchün hazir "patiyining ilgharliqini saqlash terbiyisi" dégen heriketni qozghaydu?


2005-01-13
Share

"Amérika awazi" 2005 - yili 1 - ayning 12 - küni, xitay kommunist partiyisi merkizi komititi yéqinda "kommunist partiyining ilgharliqini saqlash terbiyisi" dégen bir keng kölemlik siyasi heriket qozghashni qarar qilghanliqini xewer qilghan idi.

Uningda bayan qilinishiche, "kommunist partiyining ilgharliqini saqlash terbiyisi" dégen siyasi heriket hazirdin bashlap bir yérim yilghiche dawam qilidiken. Üch basquchqa bölüp, birinchi basquchta, merkizi komitétqa qarashliq organlarda bashlash؛ ikkinchi basquchta, 7 - 8 - aylarda yerlik partiye hökümet organlirida bashlash؛ üchinchi basquchta, kéler yili etiyazda yéza, bazar, rayonlarda bashlash. Uning muhim noqtisi chiriklikke we xiyanetchilkke qarshi turush.

Asasen mundaq "besh xil adem" jazalinidiken

Shinxu'a agéntliqi 2005 - yili 1 - ayning 13 - küni merkizi intizam tekshürüsh komitétining 5 xil kishilerni qattiq jazalash heqqidiki qararining mezmunlirini xewer qildi.

Uningda bayan qilinishiche, qanunsiz halda neq pul qubul qilghan yaki hediye bergenler, emeldarlardin mensep telep qilghanlar, xotun - balilirini bashqurmay, ulardin paydilinip soda-tijaret qilghan emeldarlar, toy-tökün, ölüm - yitimdin paydilinip pul - mal toplighanlar؛ dölet ichide yaki chégra sirtida qimar oynighanlar, bundaq 5 xil katigoriyege kiridighan kishiler qattiq jazalinidiken.

Yene bir keng da'irilik we shiddetlik siyasi heriket

Siyasi mulahizichilerning éytishiche, "kommunist partiyining ilgharliqini saqlash terbiyisi" dégen heriket, emeliyette zaman'gha béqip chirayliq söz bilen atalghandek undaq ilghar sewiyilik, nazaketlik heriket emes. Bu belki 50 nechche yildin buyan bir nechche yilda bir qétim qozghash arqiliq partiye özini saqlap qalidighan yene bir chong siyasi heriket. Namda "partiye ichide élip bérilidu" déyilgen bolsimu, emeliyette burunqigha oxshash, axirqi hésabta yenila xelqqe qaritilghan keng kölemlik basturush herikiti.

Kommunist partiye peyda qilghan tarixiy mesililer döwe – döwe

Yéqindin buyan bu heqte élan qilin'ghan herxil yéngi mulahiziler "xewerler mejmu'esi" de toplap bayan qilin'ghan. Uningda éytishiche, birinjidin, kommunist partiye peyda qilghan tarixiy mesililer döwe - döwe. Mesilen: eksil'inqilapchilarni basturush, üch ke qarshi turush, beshke qarshi turush, chong sekrep ilgirilesh, chong acharchiliq, xelq kommunasi, medeniyet inqilabi, dégen siyasi heriketlerde peyda qilghan naheq délolar. Bu maw zédongning tarixiy qerizliri, bularning héchqaysini partiye téxi toghra xulasilep bir terep qilghini yoq.

Kommunist partiye peyda qilghan ri'al mesililermu döwe - döwe

50 Neche yildin buyanqi eng chong xiyanetchiler déng shawping dewridin kéyin peyda boldi. Xelqni dölet armiyisi bilen qanliq basturushmu shu dewrde yüz berdi. Jang zémin dewride bolsa, partiye ichide xiyanetchilik, chiriklik omumlashti. Xelqqe bednam toqup qattiq zerbe bérishni yolgha qoydi. Hazirqi xujintaw dewrige kelgende bolsa, xuddi temsillerdiki "puxralarning namratliqitin süngiki körünüp qaldi, emma emeldarlarning itlirimu sésiq kikiridu" dégen menzirini körgili bolidu. Bu dewrde, kommunist partiye özini saqlap qélip üchün "jemiyetni toraqliq qilish birinji orunda turidu" dégen nam bilen xelqni basturiwatidu.

Xitay kommu'ist partiyisi hazir xelq'aradiki ulugh éqimdinmu chetnep ketti

21 - Esirde xelq'aradiki ulugh éqim démokratiye, kishilik hoquqqa hörmet qilish, uchuq - yurughluq, hökümetni biwaste saylap chiqish qatarliqlardin ibaret bolsimu, emma xitay kommunist partiyisi bu ulugh éqimdin chetnep jiddi kirzisqa duch keldi. Hazir bundaq ehwal astida özini qutquzush üchün bir shiddetlik siyasi heriketni qozghatmaqta. Hazir xitayta qozghitiliwatqan "partiyining ilgharliqini saqlash terbiyisi" dégen bu heriketni shinjang Uyghur aptonom rayonidiki Uyghurlar "hazir bir shiddetlik qara boran chiqiwatidu" dep teswirlimekte.(Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet