Obama 2012‏-yilidiki prézidént saylimida qaytidin saylinalamdu?

Prézidént obama 2012‏-yillidiki prézidént saylimida yene qaytidin saylinalamdu, dégen témidiki tehliller bügünki uchurlarda muhim salmaqni igilidi.
Muxbirimiz weli
2011.04.08
Obama-060308-305 Prézidént barak obama saylam jeryanida xanimi bilen.
AFP

Amérikida bügün ikki chong partiye otturisida, amérika hökümitining xamchoti heqqide jiddiy munazire boluwatqan, amérika hökümiti taqilip kétish girdabigha kélip qalghan ehwal astida, bügünki uchurlarda yene, hazirqi amérika prézidénti barek obama 2012‏-yilliq prézidént saylimida yene qaytidin saylinalamdu, dégen témidiki mulahiziler muhim salmaqni igilidi.

Amérikidiki jorji tawn uniwérsitétining siyasiyshunas proféssori stifén waynéning bayan qilishiche, amérika qanunida prézidéntlar yene bir qétim saylinalaydu, dep belgilen'gen. Ötken esirning 70‏-yilliridin kéyin amérikida zor muweppeqiyet qazan'ghan katér, péshqedem boz qatarliq prézidéntlar qaytidin saylinalmidi, peqet ronalt riganla eng chong muweppeqiyet qazinip qaytidin yene bir qétim saylan'ghan prézidént bolup qaldironalt riganronalt rigan. Obama yéqinda riganning tejribilirini öginishke ehmiyet berdi. Emma u, amérikida xuddi kishiler kütkendek nahayiti köp özgirish peyda qilalmidi. Uninggha bérilgen bahalar hazirche turaqsiz. Chünki amérikida hazir yenila ishsizliq nisbiti yuqiri, amérika hökömiti yüzlen'gen maliye krizisi nahayiti éghir. Gerche obama qaytidin saylinish üchün baldur tutush qilghan bolsimu, jumhuriyetchiler körsetken namzatlarning teyyarliqi téxi pütmigen bolsimu, emma obama ariliship qalghan kazafiy mesilisi we liwiye qalaymiqanchiliqi emdi yaxshi hel bolmisa, bu mesile “Obamaning iraq mesilisi” bolup qélishi mumkin.

Amérika dölet mudapi'e uniwérsitéti fond jem'iyitining tetqiqatchisi pétér xusseyning qarishiche, amérika bilen sowét ittipaqi otturisidiki soghuq urushni tügetken, amérika xelqige kelgüsi üchün ümid béghishlighan prézidént riganning siyasiy mirasliri qimmetlik miras. Obama héchqachan rigan bilen özini sélishturalmaydu.

Jorji washin'gton uniwérsitétining xitay-amérika munasiwetliri mutexessisi shén dawéyning qarishiche, amérika-xitay munasiwiti xu jintaw dewride muqim halda dawamlashti, emma amérika bilen xitay otturisida istratégiye jehettin öz-ara ishenmeslik nahayiti éghir. Bolupmu, obama xitayning rayigha béqip ish qilish üchün dalay lama bilen körüshmigenlikidek xataliqlar, uningdin ewladlargha qalidighan siyasiy miras bolalmaydu.

Amérikida bügün élan qilin'ghan uchurlardin qarighanda, amérika prézidénti obama tünügün kechtiki axbaratida, men ete (jüme küni) etigende amérika xelqige, hökümet taqilip kétishtin xali boldi dep jakarlashni arzu qilimen dégen idi. Gerche hazirgha qeder, ikki chong partiye rehberliri dölet mejliside kündüzni kéchige ulap yighin échip, xamchot mesiliside muressege kélishke tirishiwatqan bolsimu, emma téxiche ularning muressege kélelmeslikige yenila xamchottiki, ayallarning hamilini aldurush opératsiyisini meblegh bilen teminlesh qatarliq mesililer, yeni öktichi partiye hergiz yol qoymaydighan bundaq mesililer sewebchi bolmaqta.

Uchurlardin qarighanda, eger démokratlar bilen jumhuriyetchiler xamchot mesiliside bügün yenila muressege kélelmise, prézidént obama jumhuriyetchiler otturigha qoyghan xamchotni qisqartish layihisige qarita ret qilish hoquqini ishletse, amérika hökümiti bügün kéche sa'et 12 din kéyin, yeni 9‏-apiril künidin bashlap taqilip kétidu. Bügün hökümetning taqilip kétishidin burun dölet baghchilirini, muzéylarni ziyaret qiliwélish üchün washin'gton alahide rayonigha kelgen adem nahayiti köp. Herbiylerning a'ile-teweliridin bir qisim kishiler bügün, herbiy septe wezipe ötewatqan, bolupmu iraq, afghanistanlarda wezipe ötewatqan herbiylerning ish heqqi 4‏-ayning 15-künigiche qoligha tegmeydighan ehwal yüz bérishtin endishe qilidighanliqini ipadilidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.