Исмаил сәмәтниң йеқин дости, исмаил сәмәт хурапатлиққа қарши чиққан, дәйду


2007-02-13
Share

Хитай һөкүмитиниң 2005‏- йили 10‏-айниң 31‏- күни үрүмчи шәһәрлик хәлқ оттура соти тәрипидин исмаил сәмәткә берилгән өлүм һөкүмини 8‏- феврал күни иҗра қилиши хәлқара кишилик һоқуқ тәшкилатлири вә чәтәлләрдә паалийәт елип бериватқан уйғур тәшкилатлириниң қаттиқ тәнқидигә учриди. Хәлқара кишилик һоқуқни күзитиш тәшкилати, сотниң адаләтлик болмиғанлиқини, хитай һөкүмитиниң исмаил сәмәткә өзини ақлаш үчүн пурсәт бәрмигәнликни һәмдә униң террорлуқ паалийәтлиригә қатнашқанлиқини испатлайдиған һечқандақ пакит- оттуриға қоймиғанлиқини билдүрмәктә.

Кишилик һоқуқни көзитиш тәшкилати мәсуллири шундақла, хитай һөкүмитиниң исмаил сәмәтни 1990‏- йиллириниң оттурилирида икки қетим қисқа мудәттилик қамақ җазасиға һөкүм қилғанлиқиниң өзила, униң террорлуқ паалийәтлиригә қатнашмиғанлиқиниң бир испати болалайду. Әгәр униң террорлуқ паалийәтлиригә қатнашқанлиқи һәққидә хитай һөкүмитиниң қолида бир испат болған болса, исмаил сәмәткә шу чағниң өзидила қаттиқ җаза бериләтти, дейишмәктә. Чәтәлләрдә паалийәт елип бериватқан уйғур тәшкилатири болса, исмаил сәмәтни вәтини вә миллитиниң әркинлики үчүн өсмүрлүк чағлиридин башлап, паалийәткә башлиған от йүрәк бир уйғур пәрзәнти дәп тонуштурмақта.

Исмаил сәмәт зади қандақ характерлик бир киши иди? у қандақ паалийәтләрни елип барған? бу һәқтә мухбиримиз өмәр қанатниң исмаил сәмәтниң йеқин дости вә сәпдиши, һазир германийидә яшаватқан абитҗан билән өткөзгән сөһбтидин аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт