Уйғурларда рождество байрими өткүзүш иштияқи

Христиан динида һәр йили 12 - айниң 25 - күни әйсаниң, йәни христиан худасиниң туғулған күни сүпитидә тәбриклинидиған чоң диний байрими болған рождество байрими нөвәттә ноқул христиан диний байрамдин хәлқаралиқ бир байрамға айланди .

• Мухбиримиз гүлчеһрәниң бу һәқтики программиси
• Download story audio

Хитайда рождество байрими йеқинқи йиллардин бери наһайити тез омумлашқан . Җүмлидин уйғур елиниң чоң шәһәрлиридиму буниң тәсириниң чоңлиқини көргили болиду . Үрүмчидин игилишимизгә қариғанда рождество байрими йеқинлишиши билән һәр қайси чоң сода сарайлири меһманха , нилар бағчиларда һәмдә рестуран вә башқа көңүл ечиш сорунлирида рождествоқа җидди тәйярлиқ көрүп безилип , һәтта үрүмчидики мусулманчә уйғур рестуранлириниңму рождество ахшими паалийәтлири орунлаштурулмақта икән .

Уйғур яш өсмүрлириниң хиристиан диний байримиға әһмийәт бериши пәқәтла мода қоғлишишму?

Уйғур яш - өсмүрлириму рождество байрими өткүзүшкә әһмийәт бериватқан болуп , гәрчә уларниң көпүнчиси бу байрамни диний байрам сүпитидә әмәс бәлки хәлқаралиқ бир хошаллиқ байрими сүпитидә вә бәзилири пәқәтла мода қоғлишип өткүзиватқан болсиму , бу хил йеңилиқ уйғурларда ғәйрилик һис қилдурмақта икән .

Уйғур яш -өсмүрләрниң рождество байримиға болған көз қарашлирини елиш үчүн үрүмчигә телефон қилдуқ , зияритимизни қобул қилған бир оттура мәктәп оқуғучиси уйғур балилириниң рождество өткүзүшкә барғанчә қизиватқанлиқини , бир қисим уйғур яшлириниң әтраптики шараитниң тәсири билән мода қоғлишиш билән бу байрамни өткүзиватқанлиқини , бәзилириниң болса бу динға киргәнлики үчүн тәбрикләйдиғанлиқини ейтти .

Христиан диний байримиға болған иштияқ уйғурларниң миллий вә динний кимликигә тәсир көрситәмду?

Нөвәттә үрүмчи хәлқара чоң базириниң хадимлири , базар алдиға қоюлған ешәккә минивалған , қолида равап тутқан нәсирдин әпәндим һәйкилиниму бир һәптә сәрп қилип рождество бовай санта кирос қияпитигә киргүзүп қойған болуп , қар бовай санта киросчә ясалған равап тутқан нәсирдин әпәндимниң бу һәҗви һалити йолдин өткүчиләрдә түрлүк пикирләрни қозғаватқан икән .

Дөңкөврүк әтрапида олтурақлашқан бир уйғур бовай , нәсирдин әпәндим һәйкилини дәсләп базарда көргинидә , бешиға сәллә йөгигән әпәндимниң уйғурларниң симоволи сүпитидә бу базарға қоюлғанлиқидин мәмнун болған болсиму , әмди униң рождество бовай санта киросниң қизил кийимлирини кийгүзүп қоюлған һәҗви һалитини көргинидә раһәтсизләнгәнликини ейтти . Униң сөзичә бу уйғурларниң миллий алаһидилики диний өрүп адитигә һөрмәт қилмиғанлиқ һесаблинидикән .

Уйғур яш - өсмүрлиридә пәйда боливатқан хиристиан динний байрими болған рождество байримини өткүзүш қизғинлиқа , чәтәлләрдики уйғур зиялилири қандақ қарайду , биз бу мәсилә һәққидә амеркида яшаватқиниға йигирмә йилгә йеқинлашқан тарих пәнлири доктори қаһар барат әпәнди билән сөһбәтләштуқ .

Буниң тәпсилатини юқиридики улиништин аңлаң