Америкида тунҗи нөвәтлик "хәлқара уйғур тарихи, мәдәнийити вә җәмийити тәтқиқати" илмий муһакимә йиғини ечилди

Мухбиримиз үмидвар
2014-09-25
Share
xelqara-uyghur-tarixi-medeniyiti-we-jemiyiti-tetqiqati-shawn.jpg Уйғуршунас шавн робертс әпәнди тунҗи нөвәтлик "хәлқара уйғур тарихи, мәдәнийити вә җәмийити тәтқиқати" илмий муһакимә йиғиниға риясәтчилик қилди. 2014-Йили 25-сентәбир, вашингтон.
RFA

25-Сентәбир күни әтигәндә америка пайтәхти вашингтондики җорҗ вашингтон университетида "тунҗи нөвәтлик хәлқара уйғур тарихи, мәдәнийити вә җәмийити тәтқиқати" намлиқ илмий муһакимә йиғини рәсмий башланди.

Җорҗ вашингтон университети явропа, русийә вә явро-асия тәтқиқат институтиниң саһибханилиқ қилиши билән ечилған мәзкур йиғин үч күн давам қилиду. Йиғинға америка, әнглийә, фирансийә, германийә, түркийә қатарлиқ дөләтләрдин кәлгән көп сандики тәтқиқатчилар, алимлар вә ахбарат хадимлири болуп 100 гә йеқин киши қатнашти.

Йиғинниң ечилиш мурасимиға җорҗ вашингтон университетиниң профессори, уйғуршунас шавн робертс әпәнди риясәтчилик қилди. Дуня уйғур қурултийиниң рәиси рабийә қадир ханим, әркинлик сарийиниң башлиқи давид крәймир, хәлқара кәчүрүм тәшкилати асия ишлири бөлүми директори ти кумар әпәнди қатарлиқлар йиғинға қатнашти вә тәбрик сөзи қилди. Улар сөзидә, хитай һөкүмитиниң уйғурларға қаратқан бесими мислисиз күчәйгән вәзийәттә ечилған бу йиғинниң, уйғур давасини дуняға тонуюшта муһим әһмийәткә игә икәнликини қәйт қилишти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт