Aratürk nahiyesining ma'aripi, qedimki izliri we yerliktiki ijtima'iy hayat heqqide bir yéza bashliqi bilen söhbet

Muxbirimiz qutlan
2015-03-05
Élxet
Pikir
Share
Print
"Qarliq tagh" din éqip kelgen ghol éqinning qumul shehiri qizilyar kentidin éqip ötken böliki. 2008-Yil.
"Qarliq tagh" din éqip kelgen ghol éqinning qumul shehiri qizilyar kentidin éqip ötken böliki. 2008-Yil.
RFA/Qutlan

Aldinqi küni aratürk nahiyesi tuxolo yézisining yéza bashliqi ziyaritimizni qobul qilip mezkur nahiyening muhit, bayliq we su menbeliri jehetlerde duch kelgen bir qisim mesililer heqqide melumat bergen idi.

Bügünki ziyaritimiz dawamida u aratürk nahiyeside "Qosh tilliq ma'arip" ning asasen dégüdek omumlashqanliqini, hetta nahiye etrapidiki yézilardimu "Qosh tilliq yesli" lerning qurulghanliqini bayan qildi. U mezkur nahiyede "Qosh tilliq ma'arip" ning omumlishish ehwalining Uyghur aptonom rayoni boyiche aldinqi orunda turidighanliqini bildürdi.

Melum bolushiche, 1996-yilidin bashlap taghliq nahiye aratürktiki Uyghur déhqan-charwichilar qumul shehiri etrapidiki boz dala bilen aratürk nahiyesining nom oymanliqi etrapidiki tüzlenglikke köchürülüshke bashlighan. Buning bilen bu yerde eslidin dawamliship kéliwatqan en'eniwi yérim déhqanchiliq we yérim charwichiliq igilik sheklide jiddiy özgirishler yüz bérip, qedimiy kent-mehellilerdiki en'eniwi hayat tarqaqlashturulghan. Tüzlengliktiki échish rayonlirida yéngiche igilik we hayat shekli peyda bolushqa bashlighan.

Ziyaritimiz dawamida u yene tuxolo yézisi tewesidin bayqalghan adem bilen at hemdepne qilin'ghan qedimki qebriler we uning qézilish ehwali heqqide bir qisim melumatlarni berdi.

Axirida u aratürk nahiyeside yerlik xelqni siyasiy wezipe süpitide atalmish "Kichik alma ussuli" oynashqa salidighan ishlarning yoqluqini, buni yerlik xelqningmu qet'iy qobul qilmaydighanliqini tekitlidi.

Tepsilatini awaz ulinishtin anglighaysiz.

Toluq bet