Doktor erkin ekrem: Uyghur milliy herikitining iz basarlarni qolgha keltürüsh istratégiyilik heriket pilani bolushi kérek
2014.03.13
Yashlar hazirning awan'gartliri, kelgüsining ümidi we igisi, héjrettiki Uyghur dawasi üchünmu shundaq elwette. Yashlar Uyghur milliy herikitining izbasarliri, Uyghur teshkilatlirimu dunyaning köp qutuplashqan siyasiy weziyitige mahir, Uyghur millitining heqliq dewasini heqiqiy yosunda dawamlashturalaydighan we tereqqiy qilduralaydighan warislirini yétishtürüsh jehette türlük murekkep riqabetlerge duch kelmekte.
Bügün bu témini mulahize qilishni türkiye istratégiye chüshenche institutining tetqiqatchisi doktor erkin ekremge hawale qilduq, erkin ekrem ependi istratégiye ilmi boyiche baha bergende nöwettiki weziyette Uyghur herikitining muhajirettiki Uyghur yashlirini Uyghur dewasigha yétekleshte her qaysi döletlerdiki yashlarning ehwalini közitip, ular bilen pikirliship xulasilen'gen, etrapliq analiz qilish arqiliq tüzülgen, yashlargha idé'ologiye jehettin tesir körsiteleydighan, kesipleshken muntizim terbiyilesh istratégiyisi, eng muhimi, ularda ortaq bir qimmet qarishi tiklesh heriket layihisi bolushi kéreklikini otturigha qoydi.
Yuqiridiki awaz ulinishidin, muxbirimizning erkin ekrem ependi bilen ötküzgen söhbitini anglaysiler.