“Yipek yoli we Uyghurlar” dégen témida yumilaq üstel yighini istanbulda échildi

Ixtiyariy muxbirimiz arslan
2019.01.30
yipek-yoli-we-uyghurlar-erkin-ekrem.jpg Merkizi enqerege jaylashqan Uyghur tetqiqat institutining uyushturushi bilen échilghan 2-nöwetlik “Yipek yoli we Uyghurlar” témida yumilaq üstel yighinida mezkur institutining re'isi doktor erkin ekrem riyasetchilik qildi. 2019-Yili 27-yanwar, türkiye.
RFA/Arslan

Uyghur weziyitining keskinlishishige egiship türkiyediki her qaysi sahediki tetqiqatchilar, ziyaliylar we ammiwi teshkilatlarning rehberliri chiqish yoli izdep, her xil yighin, muzakire we pikirlishish élip barmaqta.

Merkizi enqerege jaylashqan Uyghur tetqiqat institutining uyushturushi bilen 27-yanwar yekshenbe küni istanbulda, 2-nöwetlik “Yipek yoli we Uyghurlar” témida yumilaq üstel yighini échildi.

Bu yighin'gha sherqiy türkistan teshkilatlar birliki re'isi hidayetulla oghuzxan, sherqiy türkistan ölimalar birliki mes'ulliridin abdul'exed uchqun, hebibulla küseni, teklimakan Uyghur neshriyatining mudiri abdujélil turan, Uyghur akadémiyesi re'isi doktor alimjan inayet, ijra'iye re'isi abdulmehit qaraxan, eysa yüsüp aliptékin wexpi mes'ulliridin perhat qurban tengritaghli qatarliq kishiler we Uyghur tetqiqat institutining xadimliri ishtirak qildi.

Yighin'gha Uyghur tetqiqat institutining re'isi doktor erkin ekrem riyasetchilik qildi. Yighinda Uyghurlarning nöwettiki ehwali, duch kéliwatqan qiyinchiliq mesililer, xitayning yipek yoli pilani, xelq'ara weziyet we Uyghurlarning kelgüsi toghrisida muzakire élip bérildi.

26-27-Yanwar künliri yene istanbulda Uyghur tetqiqat institutining uyushturushi bilen maqale yézish we tetqiqat élip bérishning métodliri toghrisida léksiye bérish yighini ötküzüldi. Bu yighinda doktor erkin ekrem, proféssor alimjan inayet qatarliq bir qanche tetqiqatchi mutexessisler léksiye berdi.

Doktor erkin ekremning bildürüshiche bu yighin'gha uniwérsitét püttürgen yaki, magistirliq yaki doktorluq oquwatqan aliy mektep oqughuchiliridin 30 gha yéqin kishi qatnashqan.

Ziyaritimizni qobul qilghan doktor erkin ekrem bu yighinni uyushturushtiki asasiy meqset toghrisida toxtaldi.

Yighin'gha qatnashqan proféssor alimjan inayet ziyaritimizni qobul qilip pikir bayan qildi.

Doktor perhat qurban tengritaghli bu yighinda otturigha qoyulghan mezmunlardin muhim nuqtilarni yighinchaqlap pikir bayan qildi.

Uyghur tetqiqat instituti enqerediki Uyghur ziyaliyliri teripidin 2018-yili qurulghan bolup, bu institut Uyghurlar toghrisida doklat hazirlash, tor bétide Uyghurlar heqqide maqale élan qilish we ilmiy muhakime yighini uyushturush pa'aliyetliri bilen shughullanmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.