Kériye weqesi heqqide mulahize

Xitay élan qanunning 7-maddisida “Élan mezmuni xelqning jismaniy we rohi saghlamliqigha paydiliq bolushi, jem'iyetning ammiwi exlaqi we kespi exlaqigha hörmet qilghan bolushi, élanlar, xurapiy, térror we zorawan hemde nomussiz mezmunlarni öz ichige almasliqi kérek” dep éniq körsitilidu.
Ixtiyariy muxbirimiz ruqiye
2012.12.04
Share on WhatsApp
Share on WhatsApp
romal-saqal-cheklesh-diniy-305.jpg Uyghur élidiki bir doxturxanining aldigha ésip qoyulghan xitay tüzümi. Romal artqan we 45 yashtin töwen saqal qoyghan erlerning doxturxanigha kirishi cheklen'gen uqturush.
RFA/Erkin Tarim

Emma xitay hökümiti öz qanunigha xilap halda, Uyghurlar zich olturaqlashqan rayonlargha Uyghurlarning izzet-abruyigha tégidighan élan we resimlerni erkin chaplighan bolup, buninggha qarshiliq bildürgen Uyghur yashlirini qattiq qolluq bilen basturush bilen birge, qanliq basturush weqelirini jénining bariche yoshurup kelmekte.

Radi'oyimizning kériyide yüz bergen Uyghur yashlirini basturush weqesi toghrisidiki melumatida ashkarilinishiche, xitay hökümiti weqening ashkarilinip qélishidin qattiq ensirep barliq yolsizliqlirini jimjit bésiqturup qoyghan iken.

Uyghur élide yüz bériwatqan kériye weqesige oxshash, Uyghur yashlirini türlük bahane-sewebler bilen öltürüsh weqelirining ashkarilinishi muhajirettiki Uyghur teshkilatliri we insan heqliri teshkilatlirining diqqitini tartmaqta.

Xelq'ara kechürüm teshkilatining kanadadiki shöbisining bashliqi alex néw gerche bu weqe toghrisida xelq'ara kechürüm teshkilatining biwasite melumati yoqluqini bildürgen bolsimu, emma Uyghurlargha yürgüzülüwatqan xitay zulumining heqiqeten chektin éship kétiwatqanliqini bayan qilip mundaq dédi:
“Xitay hökümitining Uyghurlarning insaniy heqlirini depsende qiliwatqinigha uzun yillar bolup ketti, xalighanche adem tutush, qiynap öltürüsh we ölüm jazasigha höküm qilish toxtimay dawam qilmaqta. Xitayning Uyghurlargha yürgüzüwatqan qirghinchiliqi yoshurun we ashkara halda dawam qilmaqta, shughinisi, dunya elliri xitaygha bu heqte yéterlik bésim qilmaywatidu, xitayning bu xil uzun muddetlik insan heqlirini depsende qilishigha xatime bérish üchün tirishchanliq körsetmeywatidu.”

Dunya Uyghur qurultiyining bash katipi nurmemet musabayif ependi ziyaritimizni qobul qilip, xitayning Uyghurlarni ashkara qirghin qilipla qalmay, yoshurun qirghin qilishni dawamlashturuwatqanliqini eyiblep naraziliq bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.