Xoten tewekkül yéziliq saqchixana bashliqi saqchining doxtur abdulitipke oq chiqip xatalashqanliqini étirap qildi

Muxbirimiz jüme
2013-12-19
Élxet
Pikir
Share
Print
Xitay qoralliq küchlirining kochida charlap yürüsh qiyapiti. 2013-Yili 28-iyun, lükchün.
Xitay qoralliq küchlirining kochida charlap yürüsh qiyapiti. 2013-Yili 28-iyun, lükchün.
AFP


Bu yil séntebirning melum bir küni kech sa'et 9:00 da, bir xitay saqchi 4 ampul teyyar okulni élip, yardemchi saqchi ablimitning hemrahliqida xotenning melum bir nahiyisidiki bir yéziliq doxturxanigha kélidu. Doxturxanida doxtur abdulitip abduwaris bilen séstra sali niyaz toxti nöwetchilik qiliwatqan idi. Saqchi abdulitipni özige okul sélip qoyushqa buyruydu.

Biraq abdulitip teyyar okul sélish tébbiy meshghulat qa'idisige xilap ikenlikini bildürüp, okulning terkibi we kélish menbesini soraydu. Buninggha ghezeplen'gen saqchi abdulitipning kachitigha birni salidu we tapanchisini chiqirip uninggha tehdit salidu.

Biraq saqchi buning bilen toxtap qalmaydu. U doxturxana karidorida abdulitipke qaritip bir pay oq chiqiridu. Bextke yarisha oq doxturgha tegmeydu. Abdulitip ehwalni derhal yéziliq hökümet we partiye sékrétargha melum qilidu. Ehwalni anglap yéziliq saqchixanining xitay siyasiy yétekchisi bilen yéziliq qoralliq bölümning mes'ul xitay kadiri yéziliq hökümetke yétip kelgen bolsimu, biraq ular saqchini emes, abdulitipni soraq qilip uridu. Weqeni anglap yéziliq hökümet aldigha nurghun ahale toplinip kétidu.

Saqchilar ensizlikke chüshüp, asman'gha yene oq chiqiridu. Halbuki, abdulitip ahalilerni tarqilip kétishke chaqirip, toqunush yüz bérishning aldini alidu. Etisi, abdulitipning dadisi abduwaris aka nahiyelik saqchigha erz qilidu. Bu weqe bu yil 2 - séntebir xoten nahiyisining tewekkül yézisida yüz bergen. Muxbirimiz erkin bu weqeni sürüshtürüp tewekkül yéziliq saqchixanining bashliqini ziyaret qildi.

Abduwaris aka, xoten nahiyilik saqchi idarisige erz qilghan bolsimu, biraq da'iriler weqege chétishliq saqchilarni bashqa saqchixanigha yötkep kétip, ulargha héchqandaq chare körmigen. Tewekkül yéziliq saqchixanigha bashliqi saqchining abdulitipke oq chiqarghanliqi xataliq, dédi.

Toluq bet