Zhurnalist sirajidin: xitay türkiye muxbiri arqiliq özining eyibini yoshuralmaydu

Yéqinda xitayning xelq tori qatarliq Uyghurche taratquliri 11-iyuldin bashlap Uyghur élida ziyarette bolghan ikki neper türkiye muxbirining, ürümchi qatarliq sheherlerde sheher ahalilirining öyide ular bilen birge iptarda bolush, meschit imamliri bilen söhbette bolush arqiliq bu yerdiki Uyghur musulmanlirining ramzan éyidiki heqiqiy islami turmushini hés qilghanliqini, xitayning Uyghurlarni roza tutquzmasliq, terawih namizi oqutmasliqtin ibaret bu xil diniy basturush siyasitining esla mewjut emeslikini otturigha qoyghan xewerlirini xitay ichi we xelq'aradiki qismen metbu'atlarda küchlük teshwiq qildurush arqiliq xitay hökümitining eyibini yoshurushqa tirishmaqta.

Xitay tashqi ishlar ministirliqining tor bétidiki xewiride körsitilishiche, xitayning ottura sherqtiki misir, se'udi erebistandiki elchixaniliri oxshash bir künde ayrim-ayrim halda xelq'aradiki nopuzluq islam diniy erbabliridin misirdiki ezher meschitining imami doktor exmed el tayyeb we se'udi erebistandiki dunya yashlar islam teshkilatining bash katipi bilen söhbetlerde bolup, Uyghur élida Uyghurlarning ramzan éyini xushalliq bilen ötküzüwatqanliqi, Uyghurlarni roza tutquzmasliq siyasitining mewjut emesliki heqqide söhbetler élip barghan.

Biz bu munasiwet bilen hazir se'udi erebistanning mekke shehiride turushluq zhurnalist sirajidin ezizi bilen bu heqte téléfon söhbiti élip barduq.

Yuqiriqi awaz ulinishidin tepsilatini anglang.