Türkiyediki saylamgha Uyghurlar qandaq qaraydu?

Ixtiyariy muxbirimiz erkin tarim
2014-03-31
Share
turkiye-saylam-uyghur-bilet.JPG D u q mu'awin re'isi séyit tümtürk türkiye saylimida bilet tashlimaqta.
RFA/Erkin Tarim

Bu nöwet türkiyede ötküzülgen yerlik saylam axirlashti. Saylam netijisidin qarighanda, köp yillardin buyan Uyghurlarni qollap kéliwatqan ongchi partiyiler saylamda yuqiri awazgha érishken. Mutexessislerning qarishiche bu, türkiyediki Uyghur dewasi üchün yaxshiliqning béshariti iken.

Hajiteppe uniwérsitétining dotsénti doktor erkin ekremning bildürüshiche, türkiyediki Uyghurlarmu Uyghur dewasini qollap kéliwatqan partiyilerge awaz bergen.

Türkiye Uyghurlar üchün muhim bir dölet chünki 65 yildin buyan Uyghurlar bu dölette dewasini anglitishqa tirishmaqta. Shunga türkiyediki bu saylam Uyghurlar üchün zor ehmiyetke ige. Chünki, türkiyediki sheher we nahiye bashliqliri Uyghurlarning öz dewasini türk jama'etchilikige anglitishigha zémin teyyarlap béridu.

12-Ayning 17-küni 4 ministirining oghlining parixorluq bilen eyiblinip türmige tashlinishi bilen bashlan'ghan weqeler türkiye ichide zor dawalghushlarni peyda qilghan idi. Bundaq bir weziyette bashlan'ghan saylam teshwiqat xizmetliri 30-chésla saylam yéshigha toshqan 52 milyon türk puqrasining sheher, nahiye we yéza bashliqlirini saylap chiqishi bilen axirlashti. Saylamda hakimiyet béshidiki adalet we tereqqiyat partiyesi 45%, jumhuriyet xelq partiyesi 25%, milletchi heriket partiyesi 17% awaz aldi. Türkiyediki chong sheherlerdin istanbul, enqere qatarliq sheherlerde adalet we tereqqiyat partiyesi namzatliri, izmirde jumhuriyet xelq partiyesi namzatliri, adana, mersin'ge oxshash sheherlerde milletchi heriket partiyesining namzatliri sheher bashliqi bolup saylandi. Bu qétimqi saylamda saylan'ghan 81 sheher, köp sanda nahiye we yézilarning bashliqliri 5 yil wezipe öteydu. Undaqta bu qétimqi saylam Uyghurlar üchün némini ipadileydu? bu qétimqi saylamning Uyghur dewasi üchün néme paydisi bar dégen'ge oxshash so'allargha jawab tépish üchün Www.Uyghurnet.Org Tor gézitini chiqiriwatqan xemit göktürk we dr. Erkin ekrem ependiler bilen söhbet élip barduq.

Ular hemme birdek bu qétimqi saylamning Uyghur dewasi üchün xeyrlik saylam bolghanliqini bayan qilishti.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet