Türkiyede ötküzülidighan parlamént ezasi saylimi we sherqiy türkistan mesilisi toghrisida analiz

Ixtiyariy muxbirimiz erkin tarim
2015.04.09
Share on WhatsApp
Share on WhatsApp
hamut-gokturk-305.jpg Hamut göktürk
RFA/Erkin Tarim

Démokratiye bilen bashquruluwatqan döletlerde parlamént ezasi saylimi intayin muhim. Mezkur parlamént ezasi saylimidin kéyin hökümet qurulidu, parlamént ezaliri qanun chiqiridu, hökümet mezkur qanunni ijra qilidu.

Parlamént ezaliri qanun maqullapla qalmastin dunyadiki mesililerni parlaméntning kün tertipige élip kélip, hökümetke bésim ishlitidu. Uyghur mesilisimu türkiye parlaméntida dawamliq otturigha qoyulup kéliwatqan mesililerdin biri, shunga 6-ayning 7-küni türkiye ötküzülidighan omumiy saylam Uyghurlar üchün bekla muhim.

4-Ayning 7-küni türkiyediki siyasiy partiyeler saylamgha qatnishidighan parlamént ezaliri namzatlirining tizimlikini türkiye aliy saylam idarisige tapshurdi. Bu namzatlarning isimlirigha qaraydighan bolsaq Uyghur mesilisini yaxshi bilidighan, Uyghur mesilisige köngül bölidighan kishilerning köplüki diqqitimizni tartti.

Biz bu qétimqi saylamdiki namzatlar toghrisida köz qarishini élish üchün Uyghur xewer we tetqiqat merkizi mes'ulliridin hamit göktürk ependi bilen söhbet élip barduq.

U, bu qétimqi saylamda choqum saylinalaydighan namzatlar arisida sherqiy türkistan mesilisige köngül bölidighan kishilerdin islam konférensiyesi teshkilatining sabiq bash katipi proféssor ekmelettin ihsanoghlu, türkiye 21-esir istratégiye instituti mudiri proféssor ümid özdagh, qeyseri erjiyes uniwérsitéti oqutquchisi proféssor abdulqadir yuwali, sabiq dölet ministiri proféssor exet endijan qatarliq kishilerning mewjutluqini, ularning milletchi heriket partiyesidin namzat bolghanliqini, bular türkiye parlaméntigha kirgen teqdirde sherqiy türkistan mesilisining dawamliq halda otturigha qoyulidighanliqini tekitlidi.

Türkiyede 1976-yilidiki saylamda Uyghurlarning rehbiri merhum eysa yüsüp aliptékin namzat bolghan, bu qétim perhat qurban tanritaghli namzat namzati bolghan bolsimu resmiy namzatliqqa tallinalmighan, eser saqa xanim bolsa qeyseridin 7-qatardin namzatliqqa qoyulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.