Tokyoda "Mongghul we Uyghurlar heqqide oylighanlirim" dégen témida doklat bérildi

Ixtiyariy muxbirimiz haji qutluq qadiri
2013-12-03
Élxet
Pikir
Share
Print
Yaponiye tewelikidiki mongghul proféssor ogono'us yangxeyying "Xitaydiki milletler mesilisi-mongghul we Uyghurlar heqqide oylighanlirim" dégen témida doklat sözlidi. 2013-Yili 1-dékabir, tokyo.
Yaponiye tewelikidiki mongghul proféssor ogono'us yangxeyying "Xitaydiki milletler mesilisi-mongghul we Uyghurlar heqqide oylighanlirim" dégen témida doklat sözlidi. 2013-Yili 1-dékabir, tokyo.
RFA/Qutluq

12-Ayning 1-küni tokyoda yaponiye tewelikidiki mongghul proféssor ogono'us yangxeyying "Xitaydiki milletler mesilisi-mongghul we Uyghurlar heqqide oylighanlirim" dégen témida doklat sözlidi.

Mezkur doklat sözlesh pa'aliyiti yaponiyediki jenubiy mongghuliye medeniyitini saqlash we ilgiri sürüsh uyushmisining sahibxaniliqida asiya erkinliki, démokratiyisi ittipaqi teshkilatining hemkarliqida élip bérilghan.

Doklat sözlesh pa'aliyitige yaponiye shizu'oka uniwérsitétining mongghul proféssori ogono'us yangxeyying alahide teklip bilen qatniship, özining uzun yillardin béri élip barghan xitaydiki millet mesilisi, bolupmu mongghul, Uyghur qatarliq milletlerning kishilik hoquq mesilisidiki saqliniwatqan mesililer üstide élip barghan tetqiqat maqalisini oqup ötken.

Proféssor ogono'us yangxeyying doklatida, xitaydiki mongghul, Uyghur qatarliq milletlerning xitayning assimilyatsiye qilish siyasitige uchrap yoqilish girdabigha kélip qalghanliqini, ichki mongghul yaylaqliri xitay köchmenlirining buzghunchiliqigha uchrap, ékologiyilik jehette xewp ichide qalghanliqini bayan qilghan.

Proféssor ogono'us yangxeyying yaponiyede özining bir qisim siyasiy eserliri bilen tonulghan yazghuchi, uning ixlasmen oqurmenliridin biri bolghan Uyghur ziyaliysi doktor turmuhemmet hashim ogonu'os yangxeyying heqqide toxtilip ötti.

Ziyaritimizni qobul qilghan jenubiy mongghuliye erkinlik ittipaqi partiyisining bash katipi da'ichin bügünki yighin'gha qatnashqan méhmanlar heqqide toxtilip mundaq dédi:
-Bügünki doklat sözlesh pa'aliyitide tibetlik proféssor pyma, yaponiyilik obzorchi mi'ura, dunya Uyghur qurultiyining mu'awin re'isi ilham mahmut qatarliq her millet wekillirimu söz qildi. Xitay kompartiyisige qarshi turushta chet'elde pa'aliyet élip bériwatqan mongghul, tibet, Uyghur qatarliq milletler birlikte heriket élip bérishimiz kérek.

Doklat tokyodiki tokyo ikki ma'é t k p mejlisxanisida ötküzülgen.

Doklat chüshtin kéyin sa'et 14:30 17:00 qeder dawamlashqan.

Biz doklat sözlesh pa'aliyiti toghrisida toluq melumatqa érishish üchün, mezkur pa'aliyetke ishtirak qilghan dunya Uyghur qurultiyining mu'awin re'isi ilham mahmut bilen téléfon söhbiti élip barduq.

Awaz ulinishidin tepsilatini anglang.

Toluq bet