Yaponiyede “Uyghur élida némiler yüz bériwatidu?” namliq maqale élan qilindi

Ixtiyariy muxbirimiz haji qutluq qadiri
2015.03.19
Share on WhatsApp
Share on WhatsApp
uyghur-elida-nemiler-yuz-beriwatidu-305.jpg “Büyük asiya chüshi” zhurnilining muqawisi, 2015-yilliq 2-sani.
RFA/Qutluq

Yaponiyediki tesiri bir qeder zor bolghan siyasiy teshkilatlardin büyük asiya chüshi teshkilatining “Büyük asiya chüshi” namliq zhurnilining 2015-yilliq 2-sanida “Uyghur élida némiler yüz bériwatidu?” namliq maqale élan qilindi.

Maqale sahibi yaponiye Uyghur jem'iyitining re'isi ilham mahmutning bildürüshiche, maqalide asasliqi nöwettiki Uyghur élida yüz bériwatqan qanliq basturushlar we bu weqeler ichide 2014-yilidiki eng zor weqe hésablan'ghan 28-iyul yeken weqesi asasiy mezmun qilin'ghan.

Ilham mahmutning bildürüshiche, mezkur maqale uning ötken yili yaponiyede ötküzülgen büyük asiya chüshi teshkilatining yighinida Uyghur élining weziyitige a'it bergen doklatigha asasen teyyarlan'ghan.

Maqalide, asiya elliri jümlidin yapon xelqini, xitayning Uyghur élida künidin-kün'ge éghirlishiwatqan basturush siyasitige süküt qilmasliqqa, xitay kompartiyesi basturush élip bériwatqan Uyghur, tibet, mongghullarning ehwaligha yéqindin köngül bölüshke chaqiriq qilghan.

Biz mezkur maqale heqqide tepsiliy melumatqa ige bolush üchün, yaponiye Uyghur jem'iyitining re'isi ilham mahmut bilen téléfon söhbiti élip barduq.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.