Xu jintaw amérikigha ziyaretke kélishning aldi-keynide

Xu jintaw washin'gton'gha yitip kelgüche siyasiy keypiyat bir az jiddiyleshtimu? bir tereptin qarighanda, amérika xu jintawni yuqiri derijide kütüwélishqa teyyarliq qilghan bolsa, yene bir tereptin her xil pursetlerdin paydilinip, xitayning aghrighan yérige tuz quyghandek boldi.
Obzorchimiz sidiq haji rozi
2011-01-21
Share

Uning üstige öktichi partiyining we konsérwatiplarning birlikte xu jintawning dölet ishlar ziyaritige qilghan hujumliri, ziyaretke bir az tem qoshup qoyghandek bilindi. 13Yil dep hésablighanda, xitay rehberliri tunji qétim amérikida dölet ishlar ziyaritide bolghan hésablinidu. Lékin, xitaylar töt yilda bir qétim dep atashni maqul kördi.

2006-Yili xu jintaw amérikini ziyaret qilghan, bu ziyaretni dölet ishlar ziyariti dep atighan. Lékin, amérika terep bu qétimqi ziyaretni "resmiy" ziyaret dep atighan idi. Perq shu yerdiki, 2006-yili amérikida xu jintawgha dölet ziyapiti bérilmigen.

Bu qétim xu jintawgha dölet ziyapiti orunlashturulupla qalmay, prézidént obama, xu jintawgha a'iliwi kütüwélish ziyapitimu orunlashturuptu. Xu jintaw washin'gton'gha yitip kélish bilenla, prézidént obamaning öyige kechlik ziyapetke teklip qiliniptu. Xu jintaw tereptin ikki neper kishi re'iske hemrah bolup, amérika tereptin ikki neper kishi prézidént obamagha hemrah bolup a'iliwi ziyapetke qatnishiptu. Buningdin burun "boshün" tor bétige yazghuchilar, washin'gtonda bérilidighan a'iliwi ziyapet, chikakoda bérilidighan a'iliwi ziyapet bikar qilindi dep yalghan xewer tarqatqan idi. Bu xewerning tarqitilishi éhtimal xu jintaw ziyaretke kélishning harpisida washin'gtonda körülgen azraq jiddiy siyasiy keypiyatqa munasiwetlik bolsa kérek.

1-Ayning 19- künige kelgende prézidént obamaning, xu jintawgha a'iliwi ziyapet béridighanliqi resmiyleshti. Ziyapetke amérika tereptin dölet ishlar katipi hilari xanim. Dölet bixeterliki meslihetchisi donilun qatnashti. Xitay tereptin xu jintawgha hemrah bolup tashqi ishlar ministiri yang jéchi, dölet komissari dey bin'go qatnashti. Buningdin qarighanda a'iliwi ziyapetke prézidént obamaning qattiq küch chiqarghanliqini körüwalghili bolidu.

Xu jintaw ziyaretke kélishtin burun, amérika hökümitining ichidiki, xitay bilen bérip-kélishi intayin qoyuq bolghan uch neper ministirning aldinqi sepke chiqip, yumshaq we qattiq wasitilerni ishlitip sözligen nutqi, siyasiy keypiyatni bir az jiddiyleshtürüp qoydi bolghay. Mesilen, maliye ministiri géytnir pul kursi mesilisige a'it toxtaldi. Emma, soda ministiri lu jyaxuy yéngi siyasiy ibarilerni ishlitip,"junggo wediside turmaydu, chünki toxtam imzalaydu. Lékin, qanun turghuzmaydu, qanun turghuzghandimu ijra qilmaydu" dep körsetken.

Hemmidin diqqetke sazawer bir terepliri shu boldiki, 2011-yili 1-ayning 20-küni "dowiy axbarati" torida élan qilin'ghan" alahide xewer: xitay, amérika munasiwiti normallashqan yéngi yil " mawzuluq maqalide, a'iliwi ziyapetke bille qatnashqan dölet bixeterliki yardemchisi tam donilun ependining "bu qétimqi a'iliwi ziyapet adettin tashqiri boldi, ayrim kichik sorunda köngüldikidek söhbetleshkili bolidiken" dégenlikini tilgha aldi. Yene bir teripi shuki, xongkong "sumruq "téléwiziyisining astidin chiqip turidighan xette, xu jintaw amérikigha ziyaretke bérishning harpisida 17- küni néme üchündur, tashqi ishlar ministiri yang jéchi wede boyiche moskwagha, tashqi ishlar ministiri rawlopqa téléfon bérip, ikki dölet munasiwitige öz-ara köngül bölidighanliqini tilgha aldi. Yene shu téléwiziye 18- küni xewer tarqitip, xu jintaw washin'gtonni ziyaret qilip qaytip kelgendin kéyin, dey bin'go moskwagha bérip bu qétimqi ziyaretni doklat qilidu, dédi. Néme ishlar bu ? hazirghiche, prézidént obama bilen 8 qétim uchrashqan re'is xu jintaw, némishqa bu qétimliq washin'gton ziyaritini moskwagha doklat qilidighan bolup qalghandu?

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet