Gogul shirkitining junggodin chékinishi bir dewrning belgisi bolup qaldimu?

"Washin'gton pochtisi géziti"de élan qilin'ghan "gogul shirkiti weqesi chet'el shirketlirining junggogha qaratqan pozitsiyisining özgergenlikini gewdilendürdi" mawzuluq maqalini büyük éra tor bitining muxbiri terjime qilip 3 - ayning 25 - küni büyük éra tor bitide élan qilindi.
Obzorchimiz sidiq haji rozi
2010.03.26
Gogul shirkitining junggodin chékinishni qarar qilishi bir signaldin uchur tarqatti, 20 - esirning axirqi dewridiki büyük ittipaq: gherb kapitalizmi bilen béyjing mustebit tüzümining birliki hazir del burulush nuqtisida turuptu" deydighan signalni tarqatti. "Washin'giton pochtisi géziti" xewer qilip mundaq körsetti: "junggoning rehberliri heptining 2 - küni gogul weqesi peqet ayrim bir ish, junggoning ishikni gherbke échiwitish siyasitige we bazar yétekchilikidiki islahat herikitige tesir yetküzmeydu, dédi. Biraq, gherb karxanichiliri,gogul weqesi amérika, yawrupa shirketliri bilen kommunist hakimiyetning alaqilishish usuligha itayin chungqur özgirish élip keldi, éniq éytqanda gherb shirketliri béyjinggha zerbe bérishke bashlidi", dep körsetti.

Gépimizge kéleyli, dölet bilen dölet otturisida munasiwet yalghuz soda - tijaret munasiwiti bilenla cheklenmeydu. Döletler ara soda - tijaret munasiwetlirining muqimliqigha da'im dégüdek kapalet qilalmighandek, dölet bilen döletler otturisidiki siyasi, diplomatik munasiwetler ning muqimliqighimu hemishe dégüdek kapalet qilghili bolmaydu.

Dölet bilen dölet otturisidiki soda - tijari munasiwetler, dölet bilen dölet otturisidiki siyasi diplomatik munasiwetlerge qandaq tesir körsitidu dep so'al qoyghandin köre, awwal dölet bilen dölet otturisidiki siyasi, diplomatik munasiwetler, soda tijari munasiwetlerge qandaq tesir körsitidu dep so'al qoyush kérek. Chünki, matériyalizimchilar éytqandek, siyaset iqtisadning merkezleshken padisidur.

"Xelq'ara siyaset bashqa her qandaq siyasetlerge oxshash hoquq qoghlishidighan küreshtur. Xelq'ara siyasetning eng axirqi meqsiti néme bolushidin qet'iy nezer, hoquq xelq'ara siyasetning biwaste nishani bulup qéliwéridu"[ " döletler ara siyaset" aptor i morgan tew - amérika ]

Yéqindin béri "amérikidin ötüp kétish" yaki "10yil ichide amérika bilen üzengge soqushturush" deydighan gep - sözler xitay metbu'atlirida arqa - arqidin közge chéliqidighan bolup qalghan idi. 2008 - Yili 1 - ayda xitay körengliri atmosféradiki sün'iy hemrahni rakéta bilen urup chüshürüp özini körsitip qoyghandek boldi. Kona gepni tekrarlisaq,kopénhagén yighinida junggoluq körengler özini körsitip, yighinning nizamname imzalishigha selbiy tesir körsetti. Prézidént obama hökümiti barliq tirishchanliqini shqa sélip 2009 - yili bir yil dégüdek, junggo, amérika munasiwitini téximu yaxshilashning koyida hetta kishilik hoquqni tekitleshnimu suslashturup qoydi. Bundaq aqilane siyasetke jawaben xujintaw, 2009 - yili 9 - ayning 23 - küni nyuyork shehiride prézidént obama bilen körüshkende "junggo, amérika otturisidiki nazuk mesililerni muwapiq bir terep qilish toghrisida " prézidént obamagha heydekchilik qilghan.

Néme boldi? prézidént obama ötken yili 11 - ayda hetta dalay lamani qobul qilishnimu kéchiktürüp, béyjingni ziyaret qilip qaytip kelgendin kéyinla, amérika, junggo munasiwiti sürkilishning doqmushigha kélip qaldi. Yéqinda prézidént obama "amérika hergiz 2 - dölet bolmaydu" dep körsetkende, bu jawab prézidéntning éhtimal xitayning körenglikige qayturghan jawabi bolsa kérek.

"Washin'gton pochtisi géziti" axirida " chet'ellikler junggoda soda - tijaret qilishi mumkin. Biraq,siyasi sistémigha pükülüp tazim qilishning, néme dése he'e, maqul déyishning zörüriyiti yoq dep körsetti.

Yuqiridiki awaz ulinishidin bu obzorimizning tepsilatini anglaysiler.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.