Bu ' aptonom rayon ' kim üchün xizmet qilidu ?

Bügünki künde adettiki yashlar uyaqta tursun, hetta nuqtiliq ali mekteplerni püttürgen Uyghur ziyaliylirimu xizmet orni tapalmay, jem'iyette qéqindi- soqundi bolup éqip yürmekte.

Buxil weziyet, Uyghur yashliri ichide, bolupmu yash ziyaliylar arisida hökümetke bolghan naraziliq we nepret tuyghulirining üzlüksiz küchüyüp bérishigha sewebchi bolmaqta.

Epsuski, xitay hakimiyiti ularning derdige yétish uyaqta tursun, eksiche ularning ishsizliq weziyitini yenimu yamanlashturidighan we ularni yarning girwikige ittiridighan yolni tutup kelmekte.

Mesilen, téxi yéqindila " aptonom rayon" ning re'isi nur bekri, béyjingdiki fingxu'a uniwérsitétida qilghan seperwerlik nutqida, ichki ölkilerdiki aliy mekteplerni püttürgen xitay oqughuchilarni sherqiy türkistan'gha bérip xizmet qilishqa chaqirghan we "aptonom rayonluq xelq hökümiti" ning ulargha her jehettin ewzel shara'it hazirlap béridighanliqini alahide tekitlep ötken idi.

Yuqiridiki awaz ulinishidin, radi'omiz obzorchisi perhat muhemmidining bu heqtiki köz qarashlirining tepsilatini anglaysiler.