Yazghuchi robért samélsunning amérikining oyghinishi heqqidiki maqalisi

2010‏ - Yili 2‏ - ayning 18‏ - küni "büyük ira" tor bitining muxbiri tyen ching "washin'gtun pochtisi géziti"de mexsus siton yazghuchi robért samélsun ependining 15‏ - küni élan qilghan maqalisini terjime qilip tor bitige chaplidi.
Obzorchimiz sidiq haji rozi
2010-02-18
Élxet
Pikir
Share
Print

Mexsus siton yazghüchi samélsun: yéqinda yüz bergen bir qatar weqelerdin qarighanda, amérikining siyasi'onliri, soda - tijaret, pen - téxnika sahesidiki serxilliri, négizidin éytqanda xitay kommunistliri toghrisida xata höküm qilghan iken, bayashatliqqa érishken junggo, eksiche xitay kommunistlirini özümchilik qilishqa, bu partiyini barliq siyasetliride awwal özinila oylaydighan, dunyaning tertiplirini oylimaydighan, peqet kommunistik partiyining dawamliq hoquq tutushinila közleydighan bir partiyige aylandurup qoydi dep, körsetti.

Xudagha ming shukrilerki, amérikiliqlar oyghandi. Amérikiliqlar junggoni we bu döletning hakimiyet béshidiki partiye xitay kommunistlirini bu qétim chüshiniptu. Kéichikip qalghan bolsimu bu qétim chüshiniptu.

Sabiq priézidént kilintün eyni chaghda: "junggo bilen aktip alaqide bolush siyasitimu amérikining mölcherligen ünümige érishelmidi... Mustebitler bérlin témi örülgendek örülidighan aqiwettin saqlinip qalalmaydu" dep körsetken. Eslide suning béshi lay di. Rozwélit eyni chaghda: "ürüshtin kéyin qudretlik, birlikke kelgen jungxwa min'goning otturigha chiqishi, yaponiye teslim bolghan we en'giliye - fransiye - gollandiye mustemlikichiliri guruhi asiya - tinch okiyan rayonidin chékinip chiqqandin kéyin peyda bolghan boshluqni tolduridu" dep qarighan. ["Ittipaqdashla we reqipler" jun garwér. Uyghurche terjimisi 494 - bet] bügün dunyagha xitaydin kéliwatqan apetning négizi del e ne shu" qudretlik, birlikke kelgen "junggo siyasitining kasapitidin kéliwatidu.

Xelq puli kursining dunya sodisigha körsitiwatqan tesiri, kopinhagén shertnamisining gumran bolushi, xitay kommunistlirining yadiro qoralliri mesilisi boyiche iran'gha yan basqanliqi, shimaliy koriye we teywen'ge herbiy qoral - yaraq sétip bérish mesilisi qatarliq mesililer bo yiche junggo ning meydani toghrisida toxtilip ötken mexsus siton yazghuchi samélsun ependi: "amérika bilen xitay hakimiyitining dunya toghrisidiki köz qarashliri pütünley oxshashmaydu, izdinidighan nishanimiz muqimliq, hergizmu mipériye qurush emes" dep körsetti.

Samélsun, "junggo dunyagha hökümranliq qilghanda" mawzuluq kitabning mezmunidin neqil keltürüp: "junggo bilen améri'ika otturisida téximu zor toqonushning yüz bérishidin we milliy qedir - qimmet toqonushining yüz bérishidin saqlan'ghili bolmaydu" dep körsetkendin bashqa, amérikida 19 organ, soda - tijaretchiler jem'yitining prézidént obamagha xet yézip"junggo yéngidin xtira qilish qa'ide - prinsipliri boyiche junggo bazirida amérika shirketlirini keng da'ire boyiche chetke qéqishi we ilghar téxnikini tapshurüshqa zorlishi mumkin" dégenlikini maqalide tilgha élip ötti.

Toluq bet