Oghri dep tutti, milletchi, eksiyetchi dep atti

Temsilning esli menisidin köchme menisige köchüp kelsek, xitay köchmenliri hakimiyiti Uyghurlarni wetinidin qoghlap, yaki aldap ichkiri xitaygha heydeshke bashlidi.

Qalghanlirini tutup élip oghri dep türmige tashlap, yanchuqchi dep dumbalap, milletchi, milli bölgünchi dep étip tashlap, térrorist dep xelq'arada sésitip, Uyghurni ishsiz qaldurup , jinayet sadir qilish xaraktérlik ijtima'iy menbe teyyarlap bérip, barliq Uyghur yashlirini jinayetchige aylandurmaqchi boldi.

Bu qétim ürümchide 191 kishi qolgha éliniptu. Bularning bir nechchisi chékimlik chekküchi, bir nechchisi yanchuqchiliq bilen qariliniptu. Oghri bolsa, xeqtin ruxset sorimay, xeqning öyige, wetinige qoralliq bésip kelgen kishi oghri, qaraqchi bolmamdu?

Xitay mustemlikichiliri bu weten'ge tajawuz qilip kirgen kündin bashlap, jinayet sadir qildi dep qolgha élin'ghan kishilerge, bolupmu siyasi jinayet sadir qilghan kishilerge, ijtima'iy jinayet artip mu'amile qilishqa adetlen'gen. Bu arqiliq mustemlike Uyghuristanda künsayin ulghiyip kéliwatqan siyasiy naraziliqini, jinayet türi boyiche türlerge ayrip, jinayet békitkende, siyasi délolarning sanini az melum qilghili bolatti.Shu arqiliq jem'iyetning siyasi bésimi toghrisida azraq toxtalghili bolatti.

Xelq'ara jem'iyetning diqqet neziridin qéchip qutulalaydu. Kishilik hoquq teshkilatlirining tenqidliridin saqlinip qalalaytti. Bu qétim xitay hökümiti yene shu usulni ishlitip 20 neper Uyghurni mashinigha chiqirip ürümchi shehrini aylandurup sazayi qilip, xitayning tili boyiche éytqanda, Uyghurlarning heywisige zerbe bermekchi bolghanda bu yigitlerning hemmisini ijtima'iy jinayet bilen qarilidi.

Ikkinchi tereptin éytqanda, mustemlike bir memlikette ahale, yat milletning mustemlikisi bolup turghanda, her qandaq qarshiliq körsitish kem - kütisiz siyasi naraziliq, siyasi qarshiliq körsitish hésablinatti. Qarshiliq körsitish mustemlike milletning oyghan'ghanliqidin dérek béretti. Siyasi jinayetni az körsitip, ijtima'iy jinayetni köp körsitish jem'iyette jama'et pikri toplashqa, ijtima'iy jinayetlerge öchmenlik peyda qilghuchi mayilliqini qolgha keltürüshke asanliq tughulatti.

Siyasi jinayetchilerge hésdashliq qilghuchi jem'iyetning siyasi ghulghulisini kémeytish jehette zor ünümge érishetti. Shunga siyasi jinayetni ijtima'iy jinayetke aylandurup jazalash jehette xitay mustemlikichiliri chékidin ashuruwetti.

Bu qétim xitay mustemlikichiliri némige aldirap qaldi? atalmish 60 yilliq bayrimigha teyyarliq qilishqimu? yaki özgiriwatqan weziyet , we yaki 48 yilliq soda - tijaret tarixigha ige shyanggang öy - mülük hessidarliq shirkitining gumran bolishi, bu shirketke wol kochisidiki bankilarning, gérmaniye bankisining meblegh salghanliqi, gumran bolushining pütün memliket iqtisadigha qandaq tesir körsitidighanliqi xitayning mustemlikichi hakimiyitini aldiritip qoydimu?

Shunga awwal mustemlike Uyghuristanda , yene awwal Uyghurlargha qol saldimu?