Xitay kommunstik partiyisi we ösmürlerni bulash partiyisi

Xitayda köp partiyilik ijtima'i, siyasi tüzüm yolgha qoyuldimu? yolgha qoyulmidi dep kim éytalaydu? yéqindin béri yaki xu jintaw inaq jem'iyet tesewwurini yolgha qoyup xitay jem'iyitide heriketke, emeliyetke aylandurush üchün tereddut qiliwatqan künlerde we bu sho'arni hedep tekitlewatqan hazirqi künlerde xitayda ikki partiye hökümranliqi otturigha chiqti.
Obzorchimiz sidiq haji rozi
2009.05.15

Bu partiyining béri kommunistik partiye, hakimiyetning yuqiri qatlimida wezipe ijra qiliwatqan bolsa, bu partiyilerning yene bérsi "ösmürler we balilarni bulash partiyisi" jem'iyetning töwen qatlimida, puqralar arisida wehime peyda qilip balilar we ösmürlerni bulap élip qéchishqa bashlidi.

2009‏ - Yili 5‏ - ayning 10‏ - küni boshün tor béti "inaq jem'iyet qurush sho'ari astida közdin tamchilighan yash" dégen serlewhe astida mundaq xewer tarqatti: en'giliyining "qoghdash géziti" shu künlerde en'giliyide tesis qilin'ghan ösmür balilarni yighiwélish lagérining bügün xelq'ara adem bédiklirining ösmür balilarni almashturush ponkitigha aylinip qalghanliqini tilgha élip 3 yildin béri 77 neper junggoluq balilarning bulagirdin yoqulup ketkenlikini, nöwette en'gliye hökümitining bularni ching tutup izdewatqanliqini xewer qildi.

Xewerde bu balilarning yer asti zawutlirida, kendir tériydighan déhqanchiliq meydanlirida ishlitilidighanliqi éniq bolup chiqti. Xitay bédiklerning 2006‏ - yilidin bashlap kosta rika dölitide adem sodisi bilen shughullinip, bulap kélin'gen balilarni ebediy qulluqqa sétiwetkenliki xewerde tilgha élindi.

Xitay adem bédikliri xitayche milli siyasetnimu ijra qilamdighandu? méning démekchi bolghinim - xitayning pilanliq tughut siyasiti aldida 1 miliyardtin oshuq nopusluq xitaymu oxshash, atalmish az sanliq millet Uyghurmu oxshash bolghandek "balilar, ösmürlerni bulash partiyisi" ning aldida xitaymu oxshash, uyghürlarmu oxshash bulamdighandu? yaki mexsus Uyghur ösmürlerni bulap qéchip xitaylargha chéqilmaydighan ish bolamdighandu? yuqiriqi 77 neper ösmürning qanchisi xitayning balisi, yene qanchisi Uyghurning balisidur? chet'ellikler qara - qoyuqla junggoluq deydu ‏ - de! ularning millet terkipini ayrip olturmaydu - de! uyghür qizlirini, Uyghur ösmürlerni hetta balilarni ichkiri xitaygha yötkep kétish 2006‏ - yili 6‏ - aydin bashlap pash bolghan emesmidi?

Mesilen, gu'angdung ölkisi xéyiwen rayonida nöwette xelqi alem aldida, küp - kündüzde, aptomobil heydep kélip ishik aldida oynawatqan balilarni bulap kétish weqesi yüz berdi. Hetta bezi balilar 20 sikunt ichide ata - anisining köz aldidin ghayip boldi.Hetta bezi balilar ata - anisining quchiqidin we yénidin bulap kétildi.

Xitayda xitay kompartiyisi puqralarning öy - mülkini, étiz - ériqlirini, puqralarning erkinlikini bulawatqan bolsa, asasi qatlamda hökümranliq qiliwatqan "ösmür, balilarni bulash partiyisi " puqralarning bala - chaqisini bulap kétip chet'ellerge sétip pul tapmaqta,kishilerni chöchütkidek délo sadir qilmaqta.

Teywen merkizi agiéniétliqi mundaq xewer qildi: menching hökümitining axirqi dewride zor bir türküm xitay ishchilar kanada, amérika qatarliq döletlerge sétiwétilgen, nöwette xitay dölitining zor bir türküm ösmürliri ejdadliri mangghan yolni boylap barsa kelmes jaylargha ketti. Biraq uchaghda menching hökümiti zawalgha yüzlen'gen hökümet bolsa, emma bügünki xitay inaq jem'iyet quruwatqan we bash kötürgen xitay dep teswirliniwatqan xitay emesmidi?

Bash kötürüsh bilen zawalgha yüzlinishning perqi néme? qizil gülmu échilip muradigha yetkende tökülidu emesmu ?
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.