' Azadliq armiye ' Uyghur musteqilchilirige zerbe bérish üchün ottura asiyagha esker chiqiramdu?

Dowé tor biti shanggangda neshr qilinidighan "eynek géziti" ning xewiridin neqil keltürüp, 2009‏ - yili 7‏ - ayning 24‏ - küni mundaq körsetti: ürümchide "5‏ - iyul namayishi" we "5 - iyul qirghinchiliqi" yüz bergendin kéyin xitay herbiy terepning yuqiri derijilik emeldari tünji qétim ipade bildürüp, ottura asiyagha esker chiqirip "shinjang musteqilliqi" yeni musteqilchi Uyghurlargha zerbe bérishni oylishiwatqanliqini körsetti.
Obzorchimiz sidiq haji rozi
2009-07-28
Share

Dowé tor biti yene mundaq körsetti: "azadliq armiye" ning bash shitap bashliqi chin bindé tünügün xitayning jilin ölkiside junggo herbiy terep téroristlargha qarshi urush qilishqa toluq teyyarlinip qoydi, birleshken döletler teshkilati hoquq bérip yol qoyidighanla bolsa, xitay herbiy terep shangxey hemkarliq teshkilatining ramkisi ichide ottura asiya döletlirige esker chiqirip, birliship Uyghur musteqilchilirige, térorist küchlerge zerbe béridu dédi, dep körsetti.

Shitap bashliqi générali chin bindé we merkizi siyasi qanun komitétining bashliqi ju yungkang qatarliqlar jyangsu, gensu, nenjing qatarliq xitayning ölke sheherliridin qoralliq saqchi qisim, herbiy qisimlarni ürümchige yötkep kélip, namayishchi Uyghurlarni qirghin qilip "5‏ - iyul ürümchi qirghinchiliqi" ni peyda qildi. Général chin bindé ottura asiyagha esker chiqirimiz dédi. Uyghüristanning u teripidiki döletlerde yashawatqan Uyghurlarni musteqilchiler dep basturmaqchimu yaki pursettin paydilinip ottura asiyagha esker chiqirip pütkül ottura asiyani xitayning mustemlikisige aylandurmaqchimu?

Bu qétim xabarowiskida ötküzülgen rusiye fédératsiyisi bilen xitayning birleshme herbiy manéwirida rusiyilikler xitaygha shundaq imtiyaz bergenmu yaki birleshken döletler teshkilati xitayning ottura asiyaning gherbige esker chiqirip shu yerde yashawatqan Uyghurlarni xitay armiyisining basturushigha ijazet bermekchimu? némisige chong sözleydu général chin bindé?!

Uyghurning siyasiy paliyetchiliri oylayduki, xitay hökümiti we uning mustemlike Uyghuristan'gha ewetilgen eskiri qisimliri we qoralliq saqchi qisimliri yéqin kelgüside mustemlike Uyghuristanda tinchliq saqlash qisimlirining wezipisini atqurushqa mejbur bolidu؛ xuddi sabiq sowétler hökümiti ottura asiyadin esker chékindürgende herbiylerni chékindürüp herbi qoral - yaraqlarni emdila musteqilliq jakarlighan döletlerge tashlap bérip chiqip ketkendek, général chin bindému herbiy qoral - yaraqlarni Uyghuristanning ötkünchi hökümitige tapshurup bérishke mejbur bolidu. Uyghurlar oylighandek, général chin bindé ottura asiyagha esker chiqirishqa teyyarlinip qoyduq dédi. Eger chin bindé, alimadis mustemlike Uyghuristandin esker chékindürüshke teyyarlinip qoyghan bolsichu? mubada birleshken döletler teshkilati chin bindéning ottura asiyagha esker chiqirishigha buyruq bermey, éhtimalliq ichide mustemlike Uyghuristandin esker chékindürüshige buyruq bersichu? chin bindé qandaq qilishi kérek? herbiy adem elwette buyruqqa emel qilishi kérek! chünki général chn bindé özining déyishiche, xelq'ara jem'iyetning belki birleshken döletler teshkilatning buyruq bérishini kütüp turuptu, de!

Waqit dégen bu pelsepiwiy uqumni siz qandaq oylaysiz, bashqilar qandaq oylaydu, men qandaq oylaymen, chüshen'gili bolmaydu. Waqitni bilgen adem ötmüshni bilidu, tarixni bilidu, ré'alliqni bilidu. Bilmigendimu az - tola hés qilip yiteleydu. Général chin bindé shuni biliwélingki, weqelerning waqit ichide özgirishi, démekchimenki, sizning iradingizge we mining irademge biqinmaydu!

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet