تارىم نېفىتلىكىدە بايقالغان تەبىئىي گاز زاپىسى 925 مىليارد كۇب مېتىردىن ئارتۇق
2008.03.28
خىتايدا ھازىرچە بايقالغان ئەڭ چوڭ تەبىئىي گازنى قويۇلدۇرۇپ ئاجرىتىپ چىقىرىش مەيدانى ئۇيغۇر ئېلىنىڭ كوچا بىلەن بۈگۈر ناھىيىسى چېگرىسىغا جايلاشقان بولۇپ، خىتاي ئاخبارات ۋاسىتىلىرىنىڭ خەۋەر قىلىشىچە، 26 - مارت مەزكۇر گاز مەيدانىدا رەسمىي قۇرۇلۇش باشلانغان.
شىنخۇا ئاگېنتلىقىدا كۆرسىتىلىشىچە، بۇ گازلىقتا بايقالغان تەبىئىي گاز زاپىسى 175 مىليارد 218 مىليون كۇب مېتىر بولۇپ، غەربنىڭ گازىنى شەرققە يۆتكەش تۇرۇبا لىنىيىسىدىكى ئەڭ ئاساسلىق گاز تەمىنلەش مەيدانىغا ئايلانغان.
خەۋەردە كۆرسىتىلىشىچە، دىنا 2 - دەپ ئاتىلىدىغان گاز مەيدانى 2009 - يىلى ئىيۇندا پۈتۈپ گاز توشۇش باشلىنىدىغان بولۇپ، يىللىق تەبىئىي گاز ئىشلەپچىقىرىش مىقدارى 5 مىليارد كۇب مېتىر، ئۇيۇپ ئاجرىلىپ چىققان ماي 560 مىڭ توننا بولىدىكەن.
شىنخۇا ئاگېنتلىقىدا تارىم نېفىتلىكى شىركىتىنىڭ باش دىرېكتورى جۇ شىنيۈەننىڭ ئېيتقانلىرىنى نەقىل ئېلىپ كۆرسىتىشىچە، ھازىر تارىم نېفىتلىكىدە بايقالغان تەبىئىي گاز زاپىسى 925 مىليارد كۇب مېتىردىن ئارتۇق بولۇپ يىلىغا 30 مىليارد كۇب مېتىردىن توشىغاندا خىتاينىڭ شەرقى ۋە شىمالىي قىسمىدىكى شەھەرلەرنى 20 يىل مۇقىم تەبىئىي گاز بىلەن تەمىنلەيدىكەن.
مەلۇم بولۇشىچە، 2004 - يىلى تاماملانغان غەربنىڭ گازىنى شەرققە يۆتكەش تۇرۇبا لىنىيىسى ئارقىلىق تارىم نېفىتلىكىدىن خىتاينىڭ شەرقى ۋە شىمالىي رايونلىرىدىكى 80 دىن ئارتۇق شەھەرگە 30 مىليارد كۇب مېتىر تەبىئىي گاز توشۇپ كېتىلگەن. (جۈمە)
مۇناسىۋەتلىك ماقالىلار
- غەربنىڭ گازىنى شەرققە يۆتكەش قۇرۇلۇشىنىڭ ئىككىنچى باسقۇچلۇق قۇرۇلۇشى 2010 - يىلى تاماملانماقچى
- ئۇيغۇر ئېلىدە بايقالغان ئومۇمىي نېفىت زاپىسى 3 مىليارد 820 مىليون توننىغا يەتتى
- غەربنىڭ گازىنى شەرىققە يۆتكەش قۇرۇلۇشى 2010 - يىلى رەسمىي ئىش باشلايدىكەن
- تارىم نېفىتلىكىدىن توشۇپ كېتىلگەن تەبىئىي گازنىڭ مىقدارى 29 مىليارد كۇب مېتىرغا يەتتى
- تارىم نېفىتلىكىدە تەبىئىي گاز ئىشلەپچىقىرىش ئالدىنقى يىلدىكىدىن 40 پىرسەنت ئاشقان
- خىتاي ئۇيغۇر ئېلىدە نېفىت ئېلىشنى كۆپەيتمەكتە
- باي ناھىيىسىدىكى گازلىقتىن 3 يىل ئىچىدە 22 مىليارد كۇب مېتىر گاز توشۇپ كېتىلدى
- شەرقىي جۇڭغاردا پەۋقۇلئاددە يېڭى ئېنېرگىيە رايونى بايقالدى
- خىتاي ئۇيغۇر ئېلىنىڭ تەبىئىي گازلىرىنى توشۇش قەدىمىنى تېزلەتمەكتە
- خىتاي : ئوتتۇرا ئاسىيا باشلىقلار يىغىنى "بۆلگۈنچىلىك" ۋە ئېنېرگىيە مەسىلىسىنى مۇزاكىرە قىلىدۇ
- خىتاي ئىككىنچى چوڭ نېفىت، تەبىئىي گاز تۇرۇبىسى قۇرۇشقا 13 مىليارد 600 مىليون دوللار مەبلەغ سالدى