Uyghurlar stokholimdiki güzel - sen'et gémnaziye mektipide tonushturuldi


2008-03-17
Share

7 ‏- Marttin bashlap stokholim güzel‏-sen'et gémnaziye mektipide ikki heptilik Uyghurlarni tonushturush pa'aliyiti bashlandi. Bu pa'aliyetni bu yil oqush püttüridighan oqughuchilardin kamila rinman we uning birqisim sawaqdashliri birlikte oyushturghan bolup, ular mektep da'iriside Uyghurlargha da'ir matériyallar we resimler körgezmisi échish, nutuq sözlep chüshendürüsh qatarliq usullar bilen Uyghurlar ning tarixi, medeniyiti, milliy kimliki, hazirqi insan heqliri ehwalliri heqqide melumat bergen. Ularning her qétimliq Uyghurlar heqqidiki nutiqigha yüzdin artuq oqughuchi ishtirak qilghan.

Bu pa'aliyetni uyushturghuchi kamila qizchaqning bildürüshche, u Uyghurlar heqqidiki tunji uchurni uzundin biri shiwétsiye Uyghur komitéti bilen hemkarliship ishlep kéliwatqan we Uyghurlarning shiwétsiyide tonulushigha köp türtke bolghan 4 ‏- dunya jem'iyitidikilerdin alghan iken.

Kamila qizchaqning teklipi bilen bu pa'aliyette Uyghur usuli oynap bergen filore qizchaq tesiratini sözlep berdi.

Kamile qizchaq özining bu pa'aliyetni orunlashturushtiki meqsiti heqqide toxtilip mundaq deydu : "men Uyghurlar heqqidiki uchurlargha shiwétsiyidiki Uyghur jem'iyiti we 4‏ - dunya jem'iyitidin ige bolghandin kéyin Uyghurlargha téximu qiziqtim. Shiwétsiyide biz quramliq yashlar Uyghurlarni peqetla bilmeydu. Méning Uyghurlar heqqidiki bu pa'aliyetni mektep da'iriside yene bir qétim élip bérish we bashqa mekteplergimu kéngeytish arzuyum bar." (Yalqun)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet