Австралийиниң сидней шәһиридә “сидней уйғур яшлири мәшрипи” қурулди

4‏-Айниң 30‏-күни австралийиниң сидней шәһиридики 60 тин артуқ уйғур яшлири, түрк бирләшмисиниң залида йиғилиш өткүзүп “сидней уйғур яшлири мәшрипи” ниң тунҗи мәшрәп кечисини өткүзди.
Ихтиярий мухбиримиз бәхтияр
2011.05.04
awstraliye-meshrep-305.jpg 2011-Йили 4‏-айниң 30‏-күни австралийиниң сидней шәһиридә өткүзүлгән “сидней уйғур яшлири мәшрипи” ниң тунҗи мәшрәп кечилики.
RFA/Bextiyar

Мәшрәп шу йәрниң вақти кәч саәт 6 дә шәрқий түркистан вә австралийиниң дөләт марши билән башлинип, мәшрәпниң йигит беши ғәйрәт җүрәт мәшрәп әһлигә мәшрәпниң әһмийити һәққидә чүшәндүрүш бәрди.

Мәзкур мәшрәп паалийитиниң мәзмунлири мол болуп, буниңда уйғурларниң бүгүнки вәзийити һәққидә вә диний һәм миллий билимләр һәққидә мәлуматлар бериш орун алғандин сирт йәнә нахша-усул қатарлиқ мәдәний паалийәтлириму муһим салмақни игилиди. Бу паалийәт саәт 10 ларда наһайити көңүллүк ахирлашти.

Мәзкур мәшрәп һәққидә мәшрәпни тәшкиллигүчиләрниң бири болған бәхтияр барат сидней уйғур яшлири мәшрипи һәққидә мунуларни билдүрди : сидней уйғур яшлири мәшрипи дуня уйғур қурултийиниң алаһидә көңүл бөлүши, сиднейдики чоңлиримизниң ярдими яш достларниң қоллиши билән вуҗудқа чиққан болуп, австралийә уйғур җәмийитиниң яшлар паалийәт оргини болуп һесаблиниду.

Мәшрәп көп мәзмунлуқ паалийәтләрни өткүзүш билән биргә йәнә мушу йәрдә яшаватқан яшлиримизға вәтән һәққидә, динимиз һәққидә һәм миллий мәдәнийәт вә өрп-адәтлиримиз тоғрисида билимләр берип, вәтән билән аримизни йеқинлаштуруш, мәшрәп әзалириға ярдәмләр, мәслиһәтләр бериш қатарлиқларни мәқсәт қилиду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.