Awstraliyining adilayd shehiride noruz bayrimi ötküzüldi

Sherqiy türkistan awstraliye jem'iyitining orunlashturushi bilen Uyghurlarning en'eniwi bayramliridin biri bolghan noruz bayrimi bu yil awstraliyining adilayd shehiride ötküzüldi.
Ixtiyariy muxbirimiz abide
2012.03.26
abdulghafur-momin-305.jpg Sherqiy türkistan awstraliye jem'iyitining re'isi abdulghafur mömin ependi noruz heqqide tebrik sözi qildi. 2012-Yili 24-mart, adilayd awstraliye.
RFA/Abide

2012-Yili 3-ayning 24-künidiki bu pa'aliyet, sherqiy türkistan awstraliye jem'iyitining re'isi abdulghafur mömin ependining noruz heqqidiki tebrik sözliri bilen bashlandi. Bügünki bu pa'aliyetke dunya Uyghur qurultiyining mu'awin re'isi hüsen ependi syidinidin kélip qatnashqan bolup, noruz ehlige siydnidiki Uyghurlarning salimini yetküzdi hem shundaqla noruzluq sowgha süpitide ilip kelgen shé'irini köpchilikke teqdim etti.

noruz-eshi-awstraliye-385.jpg
Awstraliyining adilayd shehiride noruz bayrimida noruz éshi étildi. 2012-Yili 24-mart.
RFA/Abide

Bu qétimqi pa'aliyet meqsiti weten sirtida tughulup chong bolghan balilarning örp-adetlirini untumasliqi, bir-biri bilen dostliship hem izdiship ötüshi, Uyghurlarning téximu ittipaq bolushi, ata-aniliridin yiraq turuwatqan oqughuchilarning bundaq alahide künlerni xushal-xuram ötküzüshi üchün purset hazirlap bérish bolup, pa'aliyet jeryanida étilgen noruz ishi, arghamcha tartish musabiqisi we bashqa en'eniwi balilar oyunliri pa'aliyetke zor meniler berdi.

Dunya Uyghur qurultiyining mu'awin re'isi hüsen hesen ependi pa'aliyet heqqidiki tesiratlirini sözlep mundaq dédi:
‏“Bügünki méning héssiyatimda noruz bizning bir en'eniwi bayrimimiz bolghanliqi tüpeylidin shundaqla manga yene bir tesir qilghan nerse xelqimizning öz-özini tonush, kimlikini tonush, özining tarixi en'enisidin, medeniyitidin ghurur hés qilish we ittipaqlishishtin ibaret mundaq bir alahidilikini kördüm. Bu yerdiki qérindashlardin, awstraliyide bolupmu jenubiy awstraliyide yashawatqan qérindashlirimizning bir qeder sani köp, orunlashqan yéri bir qeder yighinchaq bolghachqa köpchilik, yéngidin qatargha qoshuwatqan üch yashliq balilardin tartip yetmish yashqiche bolghan herbir tiptiki ademler tépilidu. Chonglarning tejribiliri, sözligen noruz we millet, milletning iptixar, ghururi we kelgüsi heqqidiki sözliri, yashlirimizning buni qobul qilishi, özlirining sen'et we medeniyet, tenterbiye heriketliri bilen ipadilendürüshi özini tonutush, ghurur we iptixarni qayturup kelgili bolidighanliqini hés qildim.”

Pa'aliyet bashtin ‏- axir intayin janliq, xushal-xuram keypiyat ichide ilip bérilghan bolup, pa'aliyetke qatnashqan bir xanim öz tesiratlirini bayan qilip mundaq dédi:
‏“Bügün noruz. Ishning bashlinishi, künning bashlinishi. Bügün etigen hawa tutuq deslep qorqqan iduq, lékin balilarning teliyige, hemme ishning béshida kün shundaq chirayliq chiqti. Hemmeylen shundaq xushal keypiyatta, yéngi bir chiray, yéngi bir tebessum bilen shundaq yaxshi ötküzduq. Xuddi bir wetendikidek. Dilimizda kemtüklük bolsimu, wetendiki noruzni eslep nahayiti xushal ötküzduq. Pa'aliyette orunlan'ghan Uyghur tili mektep oqughuchilirining ijadiyetliri, omaq heriketliri, chüchük tilliri yene bir qétim yüreklerni söyündürdi.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.