Ghulja chaqchaqliri we meshrepning yash-ösmürlerni terbiyileshtiki roli

Ghulja chaqchaqliri Uyghurlarning ata-bowiliridin qalghan qedimiy tarixqa ige xelq sen'et türliridin biri hésablinidu.
Ixtiyariy muxbirimiz erkin tarim
2012.03.15
ablimit-tursun-305.jpg Gérmaniyide yashawatqan Uyghur ziyaliysi ablimit tursun ependi ShTV da soz qildi. 2011-Yili 24-féwral.
ShTV din elinghan

Ghulja chaqchaqliri yumuristik xususiyiti, éytish shekli, mezmuni jehettin özige xas xususiyetke ige bir xelq edebiyati zhaniridur. Ghulja chaqchaqliri uzun tarixiy mezgil ichide bediyiliship meshrep tüsini élip bügün'giche yétip kelgen. Yazghuchi memtimin hoshur ependi yazghan “Ghulja chaqchaqliri we uning jem'iyettiki roli” namliq maqalide bayan qilinishiche, ghulja chaqchaqliri uzun tarixtin béri ikkilik tutushush, bir-biri bilen tutushush we yalghuz letipe éytish qatarliq shekillerde dawamliship, 1987-yilighiche bolghan ariliqta ghulja chaqchaqliri peqet toy-tökün, meshrep we olturushlardila éytilip kelgen bolsa, 1987-yilidin tartip sehnileshtürülgen.

Memtimin hoshur maqaliside ghulja chaqchaqlirini tunji bolup sehnige élip chiqqan kishining ablimit tursun ikenlikini ilgiri sürgen. U maqalisidin yene ghulja chaqchaqliri we meshrepning yash-ösmürlerni terbiyileshtiki roli heqqidimu toxtalghan. Biz ghulja chaqchaqlirining qisqiche tarixi we yash-ösmürlerni terbiyileshtiki roli heqqide téximu tepsiliy melumat élish üchün hazir gérmaniyining myunxén shehiride yashawatqan Uyghur sen'etkari ablimit tursun ependi bilen söhbet élip barduq. Ablimit tursun bu heqte bizge bergen melumatida ghulja chaqchaqlirining özige xas bir xususiyetke ige bir sen'et türi ikenlikini Uyghurlarni milliy roh bilen terbiyileshtimu intayin zor rol oynap kéliwatqanliqi, ghulja chaqchaqlirining peqet insanlarni küldürüpla qalmastin, belki chongqur oygha sélishtek alahide bir xususiyetke ige ikenlikini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.