Gollandiyidiki Uyghurlar qedir kéchisi fatix meschitige jem boldi

2011-Yili 8-ayning 26-küni jüme axshimi ramzanning 27-kéchisige toghra keldi.
Ixtiyariy muxbirimiz pida'iy
2011.08.29
Share on WhatsApp
Share on WhatsApp
Iptarliq-we-Sohurluqta-305.jpg Gollandiyidiki Uyghurlar qedir kéchisi fatix meschitide iptarliq we zohurluqta. 2011-Yili 27-awghust.
RFA/Pidaiy

Ishenchlik ayet-hedislerge asasen qimmiti ming ayliq ibadettin artuq bolghan qedir kéchisining pezilitini izdep bir yerge toplan'ghan gollandiyidiki 50 din artuq Uyghur musulman qérindashlar gollandiyining harlém shehiridiki fatix meschitide ibadet bilen tang atquzdi.

Köpchilik namaz, du'a, tilawet, tebligh we munazire bilen bashtin-axiri qizghin keypiyatqa, chongqur ixlas we arzu-ishtiyaqqa tolghan qelblerdin weten ichi-sirtida zulum chékiwatqan barliq Uyghurlargha salam yollidi. Mustemlike astida qalghan ana wetinige musteqilliq, eziz xelqige xatirjemlik we erkinlikler tilidi. Shu qatarda pütün dunyaning her terepliridiki musulmanlarnimu yad etti.

Qedir-kichisi-Dua-tilawet-385.jpg
Gollandiyidiki Uyghurlar qedir kéchisi fatix meschitide du'a tilawette. 2011-Yili 27-awghust.
RFA/Pidaiy

Xulasilep éytqanda: yilda bir kélidighan, pütün musulmanlar ömür boyi qoldin bérishni xalimaydighan, rebbini izdigen ixlasmenler üchün purset déyilidighan bu kéchining pezilitidin gollandiyidiki Uyghurlarmu nésiwidar boldi. Diniy ziyaliylardin turghun hajim öz tuyghusini anglatti. Hüsenjan qarimmu qedir kéchisi heqqide toxtaldi.

Bu qétimqi pa'aliyet ishtirakchilirining yémek-ichmek mesilisi fatix meschitining yénidiki yéngidin échilghan Uyghur yémekliri ordisi namliq ashxanigha orunlashturuldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.