Istanbuldiki Uyghurlar 2012-yilliq noruz bayrimini tebriklesh pa'aliyiti ötküzdi

2012‏-Yili 3-ayning 21-küni istanbul waliyliqining uyushturushi bilen noruz bayrimini tebriklesh pa'aliyiti ötküzüldi.
Ixtiyariy muxbirimiz arslan
2012-03-21
Élxet
Pikir
Share
Print
Istanbuldiki noruz pa'aliyitide Uyghurlar istanbul waliysi hüseyin awni mutlu ependige ton we Uyghur doppisi hediye qildi. 2012-Yili 21-mart, türkiye.
Istanbuldiki noruz pa'aliyitide Uyghurlar istanbul waliysi hüseyin awni mutlu ependige ton we Uyghur doppisi hediye qildi. 2012-Yili 21-mart, türkiye.
RFA/Arslan

Bu pa'aliyetke zeytinburnu sheher bashliqi murad aydin, istanbul herbiy bash qomandanliq shtabining générali sadiq piyade, istanbul sheher bashliqi wekili exmet salamet, türk dunyasi sheherler birleshmisining re'isi ibrahim qara'osman oghli, zeytinburnu hakimi mustafa dundar we istanbulda pa'aliyet qiliwatqan sherqiy türkistan wexpi, sherqiy türkistan ma'arip we hemkarliq jem'iyiti, sherqiy türkistan yashlar jem'iyiti, sherqiy türkistan méhri-shepqet jem'iyiti, sherqiy türkistan hemkarliq jem'iyiti qatarliq ammiwi teshkilatlarning mes'ulliri we köp sanda Uyghurlar qatnashti. Pa'aliyetke yene Uyghur, qazaq, qirghiz, özbék, türkmen, bashqurd, türk qatarliq türkiy tilda sözlishidighan milletlerdin köp sanda kishi qatnashti. .

JavaScript Slideshow Template

Bashlash  ||   Toxtash  ||   Aldinqisi  ||   Kéyinkisi
Welcome to the slideshow!
Slideshow 

image

Pa'aliyet etigen sa'et 10:00 din 13:00 kéche dawam qildi. Bu pa'aliyette aldi bilen istanbul waliysi hüseyin awni mutlu ependi we istanbulning yuqiri derijilik emeldarliri türk dunyasi medeniyet merkizidiki, qazaq, qirghiz, özbék, türkmen Uyghur qatarliq milletlerning örp-adet, medeniyetlirini tonushturidighan türk öylirini ziyaret qildi. Bu jeryanda sherqiy türkistan ma'arip we hemkarliq jem'iyitining re'isi hidayetulah oghuzxan we sherqiy türkistan wexpining re'isi memet'eysa artish ependiler istanbul waliysigha ton we Uyghur doppisi hediye qildi. Waliy hüseyin awni mutlu ependi Uyghur doppisi we tonni qobul qilip shu haman kiydi we xatire resimge chüshti. Waliyning Uyghur doppa we tonni kiyishi muxbirlarning diqqitini tartti.

Noruz bayrimini tebriklesh pa'aliyitide istanbul waliysi échilish nutqi sözlidi. Waliy hüseyin awni mutlu ependi sözide mundaq dédi:
"Bayram kelgen küni insanning qelbide bashqiche bir hayajan bolidu. Insanlar bir-biri bilen quchaqliship körüshidu, bayramlarning huzuri quchaqliship körüshüshte, bayram küni insaniyetning kelgüsi üchün xizmet qilidighan muhim bir kün. Noruz bayrimi yétip kélish bilen bu keng jughrapiyide her kim noruz bayrimini hesret ichide kütidu. Bügün keng bir jughrapiyide noruz bayrimi tebriklinidu, bu bayramda insanlar naxsha-usul oynaydu, shé'ir déklamatsiye qilidu, noruz bayrimi kélish bilen, insanlarning qelbidiki buruxtumluq méhri-shepqet we köyünüsh chécheklirige aylinidu. Méhri-shepqet, beriket we güzellik téximu ashsun, bu yéngi kün dölitimiz bilen birlikte pütkül dunyagha güzellik bexsh qilishni arzu qilimiz".

Pa'aliyet dawamida ottin atlash, bazghan bilen tömür soqush, tuxum chékishturush pa'aliyiti ötküzüldi. Kéyin türk, qazaq, bashqurd, özbék qatarliq milletlerning sen'etchiliri özlirining milliy naxsha-usullirini teqdim qildi. Bu pa'aliyet jeryanida, qazaqistan, qirghizistan, özbékistan, türkmenistan we sherqiy türkistanning chong hejimlik bayraqlirini kötürgen yashlar meydanni aylinip yürdi.

Chüshtin kéyin yene, sherqiy türkistan wexpining uyushturushi bilen istanbulning topqapi rayonigha jaylashqan türk dunyasi medeniyet merkizide noruz bayrimini tebriklesh pa'aliyiti ötküzüldi. Bu pa'aliyetke istanbulda yashawatqan Uyghurlardin er-ayal bolup 200 din artuq kishi qatnashti. Pa'aliyet sherqiy türkistan wexpining re'isi memet eysa artish ependining échilish nutqi bilen bashlandi. Kéyin ammiwi teshkilat mes'ulliri we sherqiy türkistan wexpining mu'awin re'isi eser saka xanim söz qilip Uyghurlarning noruz bayrimini tebriklidi.

Memet eysa artish ependi sözide, aldi bilen Uyghurlarning noruz bayrimini tebriklidi we noruz bayrimining kélip chiqish tarixi we bu bayramning Uyghur qatarliq türkiy milletlerge bolghan ehmiyiti toghrisida toxtaldi.

Pa'aliyet jeryanida yene, bir Uyghur qizi noruz bayrimini tentene qilip shé'ir oqudi. Kéyin Uyghur oqughuchilar sama usuli we xelq usulliri oynidi. Pa'aliyet jeryanida yene abduweli tursun isimlik sha'ir noruz bayrimigha atap özi yazghan shé'irni jarangliq déklamatsiye qilip qizghin alqishqa érishti. Pa'aliyet axirida yighin ehlige tamaq ziyapiti bérildi.

Biz bu pa'aliyet heqqide pa'aliyetke riyasetchilik qilghan sherqiy türkistan méhri-shepqet jem'iyitining bashliqi yüsüp yüsüp'oghlining pikir-qarashlirini alduq.

Toluq bet