London Uyghur ansambili italiyide oyun qoydi

Chet'eldiki Uyghurlar Uyghur mesilisini dunya jama'etchilikige anglitish bilen bir waqitta, Uyghur sen'itini jümlidin Uyghur naxsha-usullirinimu dunya jama'etchilikige tonutmaqta.
Ixtiyariy muxbirimiz erkin tarim
2011.06.06
Share on WhatsApp
Share on WhatsApp
london-uygur-ansb-italyede-305.jpg London Uyghur ansambili italiyining torino sheherlik sherq muzika muzéyining zalida oyun qoydi. 2011-Yili 2-iyun.
RFA/Erkin Tarim

Bolupmu en'gliyide pa'aliyet élip bériwatqan london Uyghur ansambili yawropa döletliride oyun qoyup, yawropaliqlargha Uyghurlarning naxsha-muzika, usullirini tonushturmaqta. 6-Ayning 2-küni london Uyghur ansambili italiyining gherbiy shimaligha jaylashqan torino sheherlik sherq muzika muzéyining zalida oyun qoydi.

7 Kishidin terkib tapqan london Uyghur ansambili 6-ayning 2-küni chüshtin kéyin italiyining torino shehiridiki 40 bashlan'ghuch mekteptin kelgen oqutquchi-oqughuchilardin 500 etrapida kishige Uyghur naxsha-muzikiliri heqqide léksiye bergendin kéyin, shu küni kechlik konsértta Uyghur naxsha-muzikiliridin örnekler sun'ghan.

london-uygur-ansb-italyede1-385.jpg
London Uyghur ansambili italiyide. 2011-Yili 2-iyun.
RFA/Erkin Tarim

London Uyghur ansambilining qurghuchiliridin rachél xars xanim dutar, nizamettin samadof tembür, stépxén jonés ghéjek, rustem saliyéf dap, kamil abbas ghijek chalghan konsértta, rehime mexmut xanim 12 muqamdin parchilar, ghulja we qeshqer xelq naxshiliridin örnekler sun'ghan.

Rehime mexmut we kamil abbasning éytishiche italiye xelqi Uyghur naxsha-muzikilirigha bekla qiziqidiken, bu konsért italiyidiki yash-ösmürlerning qattiq alqishigha sazawer bolghan.

Biz bu heqte téximu tepsiliy melumat élish üchün neq meydan'gha téléfon qilip ansambil mes'uli eziz eysa, sen'etchi kamil abbas we naxshichi rehime mexmut xanim qatarliqlar bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.