Norwégiyidiki Uyghurlar noruz pa'aliyiti ötküzdi
2011.03.21
Bu qétimqi noruzgha 200ge yéqin Uyghurlar qatnashqan bolup, méhmanlargha noruz ayimining Uyghurlarning milliy, en'eniwi héyt-bayramlirining bir terkibi qismi ikenliki shundaqla chet'ellerde ösüp chong boluwatqan yash -ösmürlerning milliy örp-adet tüsini alghan bundaq en'eniwi bayramlarning ehmiyitini chüshinishi we qedirlishi kérekliki heqqide chüshendürüsh bérip ötüldi.
Andin kéyin, norwégiye Uyghur komitétining hey'et ezaliri we bir qisim aktipliridin terkib tapqan xor ömiki “Bizning naxshimiz” ni éytip sorun ehli arisida küchlük hayajan peyda qildi.
Bügünki noruz pa'aliyitide norwégiyidiki möminjan bashchiliqidiki sen'et guruppisi orunlighan ésil naxsha, muzikilar pa'aliyet qatnashquchilirigha bu köngül échish pa'aliyitini xuddi wetende ötküzüwatqandek tuyghu ata qilsa, özgiche orundalghan sérk oyuni we opche oynalghan meshrep usulliri méhmanlar arisida qizghin keypiyat peyda qildi. Méhmanlar yene xanim-qizlar étip ekelgen Uyghurche mezzilik ta'amlargha éghiz tegkech, öz-ara hal mungdiship, weten heqqide anglighan-bilgenliri heqqide keng-kushade paranglashti.
Norwégiye Uyghur komitétining re'isi perhat yaqup ependi bügünki noruz pa'aliyitining tolimu qizghin ötüwatqanliqi heqqide toxtaldi.
Bügünki noruzning aldinqi her qandaq noruz pa'aliyetlirige qarighanda alahide bolghanliqidin söyün'gen bash katip tursun shemshi ependi öz tesiratini bayan qildi.
Norwégiye waqti sa'et 2 de bashlan'ghan noruz kech sa'et sekkizlergiche nahayiti qizghin keypiyat ichide dawamlashti.