“Dunya Uyghur rabiye qadir longqisi talishish putbol musabiqisi” ning teyyarliq xizmetliri jiddiy ishlenmekte

Muhajirettiki Uyghur yashliri tunji qétimliq “Dunya Uyghur rabiye qadir longqisi talishish putbol musabiqisi” üchün, jiddiy teyyarlanmaqta.
Ixtiyariy muxbirimiz pida'iy
2011.06.07
Share on WhatsApp
Share on WhatsApp
rabiye-qadir-longqisi-talishish-putbol-305.jpg Alghabas komandisi meshiq qilmaqta. 2011-Yili 5-iyun.
RFA/Pidaiy

Musabiqe teshkilligüchilirining bildürüshiche, mezkur musabiqe dunya Uyghur yashliri arisidiki birlik we ittipaqliqni ilgiri sürüshni meqset qilidiken.
Undaqta bu heqtiki xizmetlerning hazirqi ehwali qandaq boluwatidu?

Herxil perez we gumanlar bilen munazire qiliniwatqan bu musabiqining bu yil 7-ayning 27-küni gollandiyide ötküzülmekchi bolghanliqi intérnét, téléwizor we radi'olarda élan qilin'ghandin kéyin, teyyarliq xizmetliri heqqide uchur igilesh we sahibxana komandilardin hal sorash meqsitide, 5-may yekshenbe küni gollandiyidiki “Algha bas putbol komandisi” ning heptilik meshiq meydanigha barduq. Yigitler yéghiwatqan yamghurgha qarimastin meshiq qiliwatqan bolup, yétekchisining buyruqlirini tekrarlawatqan iken. Komanda yétekchisi meshiq ehwali heqqide uchur bergendin kéyin: musabiqide utup chiqishqa ishenchimiz bar. Emma, hemmidin dostluqimiz muhim, dédi.

rabiye-qadir-longqisi-talishish-putbol-wekiller-385.jpg
Bélgiye we gollandiye putbol wekilliri. 2011-Yili 5-iyun.
RFA/Pidaiy

Bu qétim ötküzülmekchi bolghan musabiqining sahibxaniliqini bélgiye we gollandiyidiki Uyghurlarning qollap-quwwetlishi bilen jaylardiki pidakar yashlar öz üstige alghan bolup, ariliqining bir qeder yéqinliqi we öz-ara alaqining zichliqidin, ikki dölettiki Uyghurlarning dostluqi tereqqiy qilip hemkarliqini qolgha keltürgen.

Teyyarliq xizmetliri muzakirisi üchün kelgen “Bélgiye Uyghur jem'iyiti” ning re'isi abdulmutellip we “Bélgiye Uyghur yashliri komitéti” re'isi iskender ependiler, gollandiyidiki komanda wekilliridin abdusalam, iptixar we bextiyar qatarliq ependiler bilen birlikte olturup bu toghriliq melumat berdi.

Abdulmutellip ependining bildürüshiche, musabiqe gollandiye bilen bélgiyidiki Uyghurlarning sahibxaniliqida 7-ayning 27- küni gollandiyide ötküzülidiken.

Musabiqe pa'aliyitige 10 etrapida riqabetchi komandidin jem'iy 100 din artuq adem qatnishidighan bolup, 4 kün dawam qilidiken.

U yene emeliy mesililer heqqide toxtilip, musabiqige kétidighan chiqimning köplükidin herqaysi dölettiki Uyghurlarning teng medet bérishi we qollap-quwwetlishi lazimliqini eskertti we: musabiqe pa'aliyitidin közlen'gen meqset, dunya Uyghur yashlirining ittipaqliqi we birliki qolgha keltürüsh, ewladlarning milliy kimlikini saqlap qilishqa ehmiyet bérish üchündur, dédi.

Gollandiye yashlar wekili abdusalammu bu heqte pikir bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Pikir

Anonymous
Jul 20, 2011 02:42 AM

yahxi bop tu