Türkiyidiki Uyghurlar rozi héytini shad-xuramliq ichide ötküzmekte

Bügün pütün dunyadiki bir yérim milyard musulman, “12 Ayning sultani” dep atalghan muqeddes ramzan éyini ibadet we saxawet bilen tamamlap, rozi héytni tentene bilen kütüwaldi.
Ixtiyariy muxbirimiz erkin tarim
2011.08.30
Share on WhatsApp
Share on WhatsApp
reis-jumhuri-abdullah-gul-heyit-namizidin-chiqmaqta-305.jpg Re'is jumhuri abdullah gül héyt namizidin chiqmaqta. 2011-Yili 30-awghust, türkiye.
RFA/Erkin Tarim

Bu mubarek künde, musulmanlarning eng chong arzusi, héyt namizini islamning shertliri boyiche köngüllük oqush, shundaqla namazdin yénip qebristanliqqa bérip tügep ketken ata-ana, uruq-‏tughqan we dost-yarenlirining tupraq béshida olturup qira'et ötküzüsh arqiliq, ularning rohigha xudadin shadliq tileshtin shundaqla bir-biri bilen héytlishish arqiliq hal ehwal sorash, adawetni tügitish we oz ara yardemlishishni kücheytishtin ibaret.

Rozi héyt balilar we yash ösmürler üchün héytliq toplash oyun-tamasha xushalliq we milliy örp-adetlerni öginish démektur. Bu, musulmanlar üchün eng zor meniwi xushalliqtur.

ankara-qojatepe-meschitide-heyit-namizi-385.jpg
Enqere qojatepe meschitide héyt namizi. 2011-Yili 30-awghust.
RFA/Erkin Tarim

Bügün türkiyidiki 73 milyon musulman tentenilik halda rozi héyti ötküzmekte. Shundaqla bügün 30 awghust küni türkiyining azadliq bayrimi yeni türkiye jumhuriyiti dölitining qurghuchisi mustafa kamal atatürk qomandanliqidiki türk armiyisining türkiyige tajawuz qilip kirgen armiyilerni qoghlap chiqarghan bir kün.

Bügün türkiyide tunji qétim qosh bayram ötküzülmekte. Bügün azadliq bayrimi türkiyining herqaysi sheher wilayet we nahiyiliride murasimlar bilen tebriklenmekte.

Türkiyining jumhur re'isi abdullah gül, bash ministir rejep tayyip erdoghan we herqaysi siyasiy partiyining bashliqliri téléwiziye gézit we radi'olar arqiliq bayanat bérip pütün islam dunyasining rozi héytini türk xelqining azadliq bayrimini tebriklimekte.

Héyt we bayram munasiwiti bilen 9 kün tetil qoyuwétilgen türkiyining chong kichik sheher yéziliri héyt menzirisige chömdi. Undaqta türkiyining istanbul, enqere we qeyseri qatarliq sheherliride olturaqlashqan Uyghurlar bu rozi héytni qandaq ötküzüwatidu?

Türkiyide oquwatqan Uyghur oqughuchilarchu? bu heqte melumat élish Uyghurlargha mikrofonimizni uzattuq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.