Awstraliyide Uyghur medeniyiti, tarixi we örp-adetliri körgezmisi bashlandi

Adélayd shehiridiki jenubiy awstraliye köchmenler muzéyida mexsus Uyghur bölümi échilip Uyghur medeniyiti, tarixi we örp-adetlirini tonushturush körgezmisi resmiy bashlandi.
Ixtiyariy muxbirimiz bextiyar
2011.06.09
Share on WhatsApp
Share on WhatsApp
awstraliye-uyghur-korgezme1-305.jpg Awstraliyining adélayd shehiride Uyghur medeniyiti, tarixi we örp-adetliri körgezmisi échildi. 2011-Yili 6-may.
RFA/Bextiyar

Mushu ayning 6-künidin étibaren échilghan bu körgezme sherqi türkistan awstraliye jem'iyitining teshkillishi bilen, jem'iyet mes'ullirining uzun waqit teyyarliq qilishi, jama'ettin yighilghan we özide bar bolghan Uyghurlarning medeniyiti, örp-aditi, tarixigha a'it kitablar, kiyim-kéchekler, qol hüner-sen'et buyumliri we resimler qatarliq minglarche matériyallar ichidin muwapiqlirini tallash, retlesh ishlirini estayidil élip bérishi netijiside wujudqa chiqqan.

awstraliye-uyghur-korgezme2-385.jpg
Awstraliyining adélayd shehiride Uyghur medeniyiti, tarixi we örp-adetliri körgezmisi échildi. 2011-Yili 6-may.
RFA/Bextiyar

Kirish ishikining ikki teripige “Uyghurlar jenubiy awstraliyide” dégen xet, bashlirigha doppa, üstige chekmen we etles könglek kiyishken qametlik yigit we güzel qizlarning süriti chüshürülgen plakat ésilghan Uyghur bölümide sherqi türkistanning xeritisi, yer meydani, tagh-deryaliri, bayliqi chüshendürülgen, Uyghurlar tarixigha a'it muhim yilnamiler, medeniyet tarixigha a'it nemuniler ixcham izahlan'ghan, sherqi türkistanliqlarning awstraliyige kélish tarixi yézilghan, adélayd shehiridiki Uyghurlarning omumi ehwali sherhlen'gen taxtilar ésilghan.

Uyghur tilidiki tarixi, edebiy, diniy kitabliri, qol hüner-sen'etning abidiliri, kiyim-kéchekliri, tamaq medeniyiti, chalghu eswabliri qatarliq güllen'gen medeniyetning obrazini yorutup béridighan matériyallar réti bilen tizilghan. Sherqi türkistan awstraliye jem'iyitining katipi nurmuhemmet türkistanining bildürüshiche, 6-ayning 18-küni körgezmining resmiy échilish murasimi ötküzülidighan bolup körgezme 9-ayning 9-künigiche dawamlishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.