Istanbulda sherqiy türkistan yermenkisi échildi

Istanbulda pa'aliyet qiliwatqan sherqiy türkistan ma'arip we hemkarliq jem'iyitining uyushturushi bilen istanbulning zeytinburnu rayonida sherqiy türkistan yermenkisi échildi.
Ixtiyariy muxbirimiz arslan
2011.05.30
Share on WhatsApp
Share on WhatsApp
turkiye-yermenke1-305.jpg Istanbulda sherqiy türkistan yermenkisi échildi. 2011-Yili 28-may.
RFA/Arslan

2011‏-Yili 5-ayning 28-küni échilghan bu yermenkide bir tereptin Uyghurlarning örp-adet medeniyetlirini tonushturush pa'aliyiti élip bérildi we Uyghurlarning milliy-kiyimliri qoyuldi, yene bir tereptin iqtisadiy kirim qilish meqsitide Uyghur ta'amliridin lengmen, polu, manta, samsa, sériq ash, lengpung we péchine-pirenik qatarliq Uyghur ta'amliri shundaqla her xil er -ayalche kiyim-kéchekler we shuninggha oxshash her xil eshyalar yermenkide erzan bahada sétildi. Bu yermenkige istanbulda yashawatqan Uyghur ayallar hemkarliship öz ixtiyarliqi bilen öyliride Uyghurche ta'amlarni pishurup ekélip i'ane qildi.

turkiye-yermenke2-385.jpg
Istanbulda sherqiy türkistan yermenkisi échildi. 2011-Yili 28-may.
RFA/Arslan

Bu yermenkide Uyghurlarning milliy medeniyitini tonushturush pa'aliyiti élip bérish bilen birge, iqtisadiy kirim qilish meqsitide ijtima'iy hayatta éhtiyajliq bolghan Uyghurche yémek-ichmek, kiyim-kéchek we her xil nerse-kérekler sétildi. Bu yermenke 5-ayning 28-künidin 6-ayning 2-künigiche 4 kün dawam qilidighan bolup, yermenkige qatnishiwatqanlarning telep we teshebbusi bilen waqitni bir hepte uzartish éhtimali bar iken. Bu yermenkini köp sanda kishiler qiziqip ziyaret qilmaqta.

Bu yermenkini ziyaret qiliwatqanlarning sani köp bolup, chong hejimdiki chédirning ichige ikki qatar qilip tizilghan her xil eshyalarni kishiler tallap muwapiq körgenlirini qizghinliq bilen sétiwaldi. Chédirning etrapigha sherqiy türkistan yermenkisige xush keldingiz dégen chong xet yézilghan, chédirning üstige sherqiy türkistan bayriqi bilen türk bayriqi ésilghan.

Biz bu pa'aliyet heqqide téximu köp melumatqa érishish üchün sherqiy türkistan ma'arip we hemkarliq jem'iyitining bashliqi hidayetullah oghuzxan we ayallar bölümining mes'uli munewwer özUyghurxanim bilen söhbet élip barduq.

Hidayetullah oghuzxan bu pa'aliyetni uyushturushtiki meqsiti ipadilep, Uyghurlarning medeniyitini tonushturush we yene bir tereptin iqtisadi kirim qilip, sherqiy türkistan dawasi üchün hesse qoshush ikenlikini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.