Xitay we Uyghur rayonidiki eydiz yétimliri heqqide


2004-11-18
Share

Munasiwetlik eydiz melumatlirida éytilishiche, dunyada tunji qétimliq eydiz kisili bayqalghandin ta hazirghiche bolghan 23 yilliq dunya eydiz kisili tarixida,texminen 60 milyondin artuq kishi eydizkisili bilen yuqumlan'ghan bolup,20 milyondin artuq kishi eydiz kisili bilen ölüp ketken, ular texminen 15 milyon eydiz yitimlirini qaldurup ketken. Bularning köp qismi afriqida bolup, asiyadiki eydiz yétimliri 2 milyon'gha yetken. Eydiz mutexessislirining körsitishiche: 2010 - yiligha barghanda,dunya eydiz yétimlirining sani 25 milyon'gha yétidiken.

Eydiz yétimliri xitayning hemmila yéride mewjüt hemde barghanséri köpeymekte. Xitay agintliqi teripidin bérilgen melumatlardimu xitayning xénen qatarliq ölkiliride eydiz yétimlirining künséri köpiyip kétiwatqanliqi ashkarilan'ghan bolsimu, lékin bu heqte éniq sanliq melmumat bérilmigen.

Xitaydiki eydiz apitining heqiqi ehwalini dunyagha ashkarilighan ,hemde nurghunlighan eydiz yétimlirini béqiwalghan xénenlik eydiz doxturi gawyawji yéqinda xitaydiki eydiz yétimliri mesilisi heqqide radi'omizning ziyaritini qobul qildi. U sözide: "menche eydiz yétimliri xitayning hemmila yéride mewjut. Mesilen, xénen, xébiy, shendong, enxuy, gensu chingxey we shinjang qatarliq hemmila yerde bar. Lékin, eydiz yétimlirining zadi qanchilik sanni igileydighanliqi heqqide, hökümet éniq bir san dep bérelmeydu. Bundaq bolushtiki sewep eydiz bimarliri kemsitishke uchrawatqanliqitin bolup, ular özini ashkarilashtin qorqup, tekshürüsh élip bérishqimu jür'et qilalmaydu, shunga ularning eydiz késili tüpeylidin ülüp ketkenliginimu héchkim bilmeydu" dep bildürdi.

Radi'omizning ziyaritini qobul qilghan nyo-yorkta turushluq eydiz mutexessisi muhemmet imin ependi özi élip bériwatqan tetqiqatlargha asasen, xitaydiki eydiz yétimlirining barghanséri köpiyiwatqanliqini we bu heqtiki qarashlirini otturigha qoydi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet